برتھ سرٹیفکیٹ کے حصول میں عوام کیلئے راحتی اقدامات کئے جائیں،  نظام آباد مجلس قائدین کی آر ڈی او سے نمائندگی 

برتھ سرٹیفکیٹ کے حصول میں عوام کیلئے راحتی اقدامات کئے جائیں،

نظام آباد مجلس قائدین کی آر ڈی او سے نمائندگی

نظام آباد، 25/اگست (اردو لیکس) صدر کل ہند مجلس اتحادلمسلمین و رکن پارلیمان حیدرآباد بیرسٹر اسد الدین اویسی کی ہدایت پر نظام آباد مجلس قائدین نے آج راجندر کمار آر ڈی او نظام آباد سے انکے چیمبر میں ملاقات کی اور انھیں ایک تحریری نمائندگی پیش کیا،

 

اس ملاقات کے ذریعے نظام آباد مجلس قائدین نے آر ڈی او نظام آباد سے عوام کیلئے برتھ سرٹیفکیٹ کے حصول میں محکمہ جاتی طور پر کئے جانے والے اقدامات پر تفصیلی تبادلہ خیال کیا، اور عوام و درخواست گزاروں کو برتھ سرٹیفکیٹ کے حصول میں درپیش مشکلات و دشواریوں کو دور کرتے ہوئے انھیں متعلقہ حکام کی جانب سے بہتر و فعال رہنمائی کرنے کی ضرورت پر زور دیا ہے،

 

بعد ازاں ٹاون صدر شکیل احمد فاضل نے میڈیا کے نمائندوں سے بات چیت کرتے ہوئے کہا کہ عوام الناس کو جنکے پاس برتھ سرٹیفکیٹ موجود نہیں ڈرنے اور گھبرانے اور نہ ہی کسی اجلت سے کام لینے کی ضرورت نہیں ہے بلکہ برتھ سرٹیفکیٹ میں درکار دستاویزات آدھار کارڈ، الیکشن ووٹر آئی ڈی، پاسپورٹ اور ہاسپٹل برتھ سرٹیفکیٹ ان دستاویزات کو پیش کرنے میں کسی بھی قسم کی کوئی دشواری پیش آتی ہے تو بالخصوص بچوں کے لئے متعلقہ ہاسپٹل ڈاکٹر کی برتھ رسید یا سرٹیفکیٹ منسلک کیا جاسکتا ہے،

 

شکیل احمد فاضل نے عوام الناس کو مشورہ دیا ہے کہ اپنے برتھ سرٹیفکیٹ کے حصول میں مشکلات و کسی بھی قسم کی پیش آنے والی دشواری پر مقامی مجلسی قائدین یا مجلس پارٹی آفس واقع احمد پورہ کالونی نظام آباد سے رجوع ہوکر رہنمائی حاصل کی جاسکتی ہے، شکیل احمد فاضل نے کہا کہ عوامی مسائل کی یکسوئی اور غریبوں کے حقوق کی ترجمانی کیلئے مجلس اور مجلسی قائدین عوام کیلئے درکار رہیں گے،

 

اس موقع پر ضلع صدر مجلس محمد فیاض الدین، سابقہ کارپوریٹرس میر ارشاد علی سمیر، محمد نصیر الدین، محمد مستحسین، کے علاوہ قائدین مجلس خلیل احمد، ارشد پاشاہ، عزیز راہی، امر فاروق و دیگر موجود تھے،