مسودہ ووٹر لسٹ میں نام غائب یا تفصیلات غلط؟ گھبرائیں نہیں ؛ اپنا ووٹ بچانے کا موقع، 16 ستمبر آخری تاریخ

حیدرآباد: الیکشن کمیشن کی جانب سے کل جاری کی گئی تلنگانہ ووٹر لسٹ کی خصوصی جامع نظرثانی  کی مسودہ فہرست میں اگر آپ کا نام موجود نہیں ہے، یا آپ کو فہرست میں درج معلومات پر کوئی اعتراض ہے، یا آپ کی تفصیلات میں کوئی غلطی ہے تو پریشان ہونے کی ضرورت نہیں۔ الیکشن کمیشن نے ووٹرز کو نام شامل کرانے، اعتراضات درج کرنے اور تفصیلات درست کرانے کا موقع دیا ہے۔

 

اس کے لیے تین طرح کے فارم استعمال کئے جاسکتے ہیں۔ فارم-6 کے ذریعے نئے ووٹر کے طور پر رجسٹریشن کرایا جاسکتا ہے۔ بیرون ملک مقیم ہندوستانی شہری فارم-6A کے ذریعے درخواست دے سکتے ہیں۔ فوت ہوچکے، منتقل ہوچکے یا نااہل ووٹروں کے نام حذف کرانے اور اعتراضات درج کرانے کے لیے فارم-7 جمع کرانا ہوگا۔

 

ووٹ کی تفصیلات میں ترمیم، رہائش کی تبدیلی، EPIC کارڈ کی تبدیلی یا معذور افراد (PwD) کی حیثیت سے رجسٹریشن کے لیے فارم-8 کے ذریعے درخواست دی جاسکتی ہے۔ یہ درخواستیں 17 اگست سے 16 ستمبر کے درمیان متعلقہ ERO، AERO یا BLO کے پاس جمع کرائی جاسکتی ہیں۔ آن لائن درخواست یا اعتراض بھی الیکشن کمیشن کی سرکاری ویب سائٹ اور ECINET ایپ کے ذریعے درج کیا جاسکتا ہے۔

 

اپنا نام ووٹر لسٹ میں کیسے چیک کریں؟

 

سب سے پہلے الیکشن کمیشن کی سرکاری ویب سائٹ [eci.gov.in](https://www.eci.gov.in/?utm_source=chatgpt.com) پر جائیں اور SIR-2026 Download Electoral Roll پر کلک کریں۔

 

اس کے بعد تلنگانہ  کا انتخاب کریں۔ پھر ضلع، اسمبلی حلقہ اور زبان منتخب کرنے کے بعد متعلقہ ووٹر لسٹیں ظاہر ہوں گی۔ اپنی پارٹ نمبر/نام منتخب کرکے کیپچا کوڈ درج کریں اور ڈاؤن لوڈ پر کلک کریں۔

 

ووٹر لسٹ PDF کی صورت میں ڈاؤن لوڈ ہوجائے گی۔ اس میں اپنا سریئل نمبر، نام یا EPIC نمبر کے ذریعے ووٹر تفصیلات چیک کی جاسکتی ہیں۔