تلنگانہ کے ان دو اضلاع کے سرکاری اسکولوں میں اساتذہ کو سیل فون کے استعمال پر پابندی !

حیدرآباد _ 6 جولائی ( اردولیکس) تلنگانہ کے دو اضلاع کے سرکاری اسکولوں میں اساتذہ کو اسکول کے اوقات میں سیل فون کے استعمال پر پابندی عائد کردی گئی ہے
میڈیا رپورٹس کے مطابق اضلاع کریم نگر اور پداپلی میں محکمہ تعلیم کے حکام نے اسکول کے اوقات میں موبائل فون کے استعمال پر پابندی عائد کردی ہے۔ انہوں نے خبردار کیا کہ سیل فون استعمال نہ کریں اور واٹس ایپ پر پوسٹ نہ کریں۔بتایا جاتا ہے کہ حال ہی میں چند اساتذہ اسکول کے اوقات میں حکام کو نشانہ بناتے ہوئے واٹس ایپ پر پوسٹ کرتے ہوئے پائے گئے۔
کریم نگر اور پیڈپلی اضلاع میں ایسے واقعات پیش آئے۔ جس کی وجہ سے متعلقہ اضلاع کے عہدیداروں نے یہ احکام جاری کئے۔ عہدیداروں نے یہ تجویز دی ہے کہ اساتذہ اپنے موبائل فونز کو ہیڈ ماسٹر ، پرنسپل اور اسپیشل آفیسرز کی تحویل میں اسٹاف روم میں رکھیں اور اساتذہ ضرورت پڑنے پر ٹیچنگ کے دوران پرنسپل اور ہیڈ ماسٹر کی اجازت سے ہی موبائل فون استعمال کریں۔