پالتو کتے کے کاٹنے پر پڑوسیوں نے کتے کے مالک پر لاٹھیوں سے حملہ کردیا _ حیدرآباد کے رحمت نگر میں واقعہ

حیدرآباد _ 16 مئی ( اردولیکس) حیدرآباد کے  رحمت نگر میں پالتو کتے کے گھر میں داخل ہونے پر پڑوسی نے اپنے دو دوستوں کے ساتھ مل کر کتے کے مالک اس کی ماں اور بہن  پر لاٹھیوں سے حملہ کردیا۔ حملہ کے واقعہ میں تین افراد زخمی ہوگئے۔

 

پولیس کے مطابق رحمت نگر کے رہنے والے سریناتھ کے پالتو کتے نے مبینہ طور پر حملہ کرتے ہوئے اس کے پڑوس  میں رہنے والے دھننجئے کے خاندان کے ایک رکن کو کاٹ لیا۔ اس واقعہ میں دونوں خاندانوں کے درمیان ہوئے جھگڑے کے بعد پولیس نے اسی دن مقدمہ درج کر لیا۔

 

اس کے دوسرے دن سری ناتھ کتے کے ساتھ گھوم رہا تھا۔ اسے دیکھتے ہی دهننجئے  نے اپنے دو ساتھیوں کے ساتھ لاٹھیوں سے سری ناتھ پر حملہ کیا۔ اسے بچانے کی کوشش کرنے والی اس کی ماں راجیشوری اور بہن سوپنا پر بھی حملہ کیا گیا اور کتے کو بھی لاٹھیوں سے مارا گیا۔

 

اطلاع ملتے ہی پولیس موقع پر پہنچ گئی اورزخمیوں کو علاج کے لیے اسپتال منتقل کیا۔ کتے کو وٹرنری اسپتال بھیجا گیا۔پولیس نے تعزیرات ہند کی مختلف دفعات کے تحت معاملہ درج کرکے جانچ شروع