سعودی عرب سڑک حادثہ پر کشن ریڈی کا اظہار رنج

نئی دہلی ۔مرکزی وزیر جی کشن ریڈی نے مکہ مکرمہ کی زیارت کے لیے سعودی عرب گئے بھارتی زائرین کے ساتھ پیش آئے بھیانک سڑک حادثے پر گہرے رنج و غم کا اظہار کیا ہے۔ اپنے بیان میں انہوں نے کہاکہ "مکہ مکرمہ زیارت کے لیے سعودی عرب گئے بھارتی

شہریوں کے ساتھ آج پیش آئے خوفناک حادثے میں 42 افراد کا زندہ جل جانا نہایت دلخراش اور افسوسناک ہے۔ یہ جان کر مزید افسوس ہوا کہ جاں بحق افراد میں زیادہ تر کا تعلق حیدرآباد سے ہے۔ میں مرحومین کے لواحقین سے اپنی دلی تعزیت کا اظہار کرتا ہوں۔انہوں نے بتایا کہ حادثے کی اطلاع

ملتے ہی انہوں نے نئی دہلی میں وزارتِ خارجہ کے سینئر حکام سے فوری بات چیت کی ہے اور ہدایت دی ہے کہ:”مرنے والوں کے خاندانوں کو مرکزی حکومت کی جانب سے مکمل مدد اور ہر ممکن تعاون فراہم کیا جائے۔”