انٹر نیشنل
سعودی کابینہ نے ہندوستان کے ساتھ پر امن خلائی سرگرمیوں کی منظوری دے دی
کے این واصف
ولی عہد و وزیر اعظم شہزادہ محمد بن سلمان بن عبد العزیز کی سربراہی میں آج ریاض میں سعودی کابینہ کا اجلاس منعقد ہوا ہے۔سعودی پریس ایجنسی “ایس پی اے” کے مطابق کابینہ نے متعدد ملکی اور بین الاقوامی معاملات پر غور و خوض کے بعد اہم فیصلے کئے ہیں۔
کابینہ نے سعودی اسپیس ایجنسی اور انڈین اسپیس ریسرچ آرگنائزیشن کے درمیان خلائی سرگرمیوں میں پر امن مقاصد کے لیے مفاہمتی یاد داشت کی منظوری دی ہے۔
اس کے علاوہ کابینہ نے سعودی عرب کی ہیومن رائٹس کمیشن اور دیگر ممالک کے ہم منصب اداروں کے درمیان انسانی حقوق کے شعبے میں تعاون کے لیے مفاہمتی یاد داشت کے رہنما نمونے کی منظوری دی گئی ہے۔
