سابق وزیر تارک راما راو کو اے سی بی عدالت کا سمن

حیدرآباد: فارمولا ای-کار ریس کیس میں سابق وزیر کے ٹی راما راؤ کو اے سی بی عدالت نے سمن جاری کیے ہیں۔ ان کے ساتھ آئی اے ایس عہدیدار ارویند کمار، ایچ ایم ڈی اے کے سابق چیف انجینئر بی ایل این ریڈی اور اسپورٹس کنسلٹنٹ کرن ملیشور راؤ کو بھی سمن جاری ہوئے ہیں۔

عدالت نے تمام ملزمین کو 31 جولائی کو سماعت کے لئے حاضر ہونے کا حکم دیا ہے۔اے سی بی کی چارج شیٹ کے مطابق 2023 میں منعقدہ فارمولا ای-کار ریس کے سلسلے میں قواعد کے خلاف ایک غیر ملکی کمپنی کو 55 کروڑ روپے منتقل کیے گئے تھے

۔ اس کیس میں پہلے ہی کے ٹی راما راؤ، ارویند کمار، بی ایل این ریڈی سمیت ایف او تنظیم کے نمائندوں سے پوچھ تاچھ کی جا چکی ہے۔