کرکٹ عرفان پٹھان کے چھوٹے بیٹے کا پٹھان فلم کے گانے پرڈانس۔ ویڈیو وائرل

ممبئی: بالی ووڈ کنگ شاہ رخ خان کی فلم پٹھان بڑی اسکرین کے ساتھ ساتھ او ٹی ٹی پر بھی دھوم مچا رہی ہے۔ اس فلم کو نہ صرف ہندوستان بلکہ بیرون ملک بھی لوگ بہت پسند کر رہے ہیں۔ شاہ رخ خان کے مداحوں کی لائن اپ کے بارے میں ہر کوئی جانتا ہے، لیکن اب اس میں ایک پیارا چھوٹا سا مداح بھی شامل ہو گیا ہے۔ کرکٹر عرفان پٹھان کا بیٹا بھی شاہ رخ کا بڑا مداح نکلا۔ عرفان پٹھان نے خود اپنے بیٹے کی ایک ویڈیو شیئر کی ہے جس پر شاہ رخ خان نے بچے کی تعریف کی ہے۔
عرفان پٹھان کی جانب سے اپنے چھوٹے بیٹے کا ویڈیو شیئر کیا گیا جس میں وہ ‘جھومے جو پٹھان’ گانے پر ڈانس کرتا نظر آ رہا ہے۔ ٹوئٹر پر اس ویڈیو کو شیئر کرتے ہوئے کرکٹر نے کیپشن میں لکھا کہ ’خان صاحب اس پیارے مداح کو اپنی فہرست میں شامل کریں۔
اس کو ری ٹویٹ کرتے ہوئے شاہ رخ خان نےعرفان کے بیٹے کی زبردست تعریف کی ہے۔ انہوں نے لکھا، ’’یہ تم سے زندہ ٹیلنٹ نکلا، چھوٹا پٹھان‘‘۔

Khansaab @iamsrk please add one more cutest fan in your list… pic.twitter.com/peCMLOorbJ

— Irfan Pathan (@IrfanPathan) March 22, 2023