نظام شمسی۔ پیر کو سورج کس وقت خانہ کعبہ کے عین اوپر ہو گا

ریاض کے این واصف

سورج کم از کم سال میں دو بار خانہ کعبہ کے عین اوپر ہوتا ہے۔ یہ نظارہ ماہ مئی اور ماہ جولائی میں دیکھنے میں آتا ہے۔ سعودی فلکیاتی سوسائٹی کے نگران انجینئرماجد آل زاھرہ کا کہنا ہے کہ پیر 27 مئی کو سورج خانہ کعبہ کے عین اوپرآئے گا۔ یہ واقعہ سال رواں کا پہلا واقع ہوگا۔ سوسائٹی کے مطابق سورج کے خانہ کعبہ کے عین اوپر آنے کا وقت دوپہر 12 بج کر 18 منٹ پر ہوگا۔

ابوزھرہ کے مطابق سورج 90 ڈگری پر ہو گا جس کی وجہ سے خانہ کعبہ اور کسی بھی مجسم عمارت یا دیگر اشیا کا سایہ نہیں ہوگا۔اس دوران دیگر مقامات پر سورج قدرے مائل ہو گا۔ابوزھرہ نے مزید کہا کہ وہ علاقے جو عرض بلد پر 23.5 ڈگری شمال اورجنوب میں واقع ہیں وہاں یہ مشاہدہ سال میں دو بار دیکھا جاسکتا ہے۔

سورج کے عین خانہ کعبہ کے اوپر آنے پرعہد رفتہ میں قبلہ کے رخ کا تعین کیا جاتا تھا جس کے لیے ایک لکڑی کو زمین میں گاڑا جاتا تھا اور جب اس کا سایہ ظاہرہوتا تو اس کی مخالف سمت کو کعبہ کی سمت کے طورپر تعین کیا جاتا ہے۔