کل ہفتہ کو ملک بھر کے موبائل فون بج اٹھیں گے— صارفیٖن کو ڈرنے کی ضرورت نہیں

قومی آفات سے نمٹنے کے ادارے نیشنل ڈیزاسٹر مینجمنٹ اتھارٹی کی جانب سے ہفتہ 2 مئی کو ملک بھر میں سیل براڈکاسٹ الرٹ سسٹم کا ٹیسٹ کیا جائے گا۔ یہ مشق ہنگامی صورتحال میں رابطہ نظام کو مزید مؤثر بنانے کے مقصد سے کی جا رہی ہے

یہ ٹیسٹ دہلی این سی آر اور تمام ریاستوں و یونین ٹیریٹریز کے دارالحکومتوں میں کیا جائے گا، جبکہ سرحدی علاقوں اور انتخابی عمل سے گزرنے والی ریاستوں کو اس مشق سے مستثنیٰ رکھا گیا ہے۔

اس دوران شہریوں کے موبائل فون پر ایک ہنگامی الرٹ موصول ہو سکتا ہے، جو آواز یا وائبریشن کے ساتھ بھی آ سکتا ہے۔ حکام نے واضح کیا ہے کہ یہ صرف ایک ٹیسٹ پیغام ہوگا اور کسی حقیقی ہنگامی صورتحال کی نشاندہی نہیں کرے گا۔

انتظامیہ کے مطابق اس مشق کا مقصد آفات کے دوران بروقت معلومات کی ترسیل کو یقینی بنانا اور کمیونیکیشن سسٹم کی تیاری کو بہتر بنانا ہے۔ حکام نے شہریوں سے اپیل کی ہے کہ وہ اس الرٹ کو دیکھ کر پریشان نہ ہوں۔