تلنگانہ میں آئندہ سات دن موسلادھار بارشوں کا امکان : آج حیدراباد کے علاوہ بیشتر اضلاع میں بارش

 

حیدرآباد: جنوب مغربی مانسون کے اثرات کے باعث تلنگانہ میں آئندہ سات دن تک موسلادھار بارش کا امکان ہے۔ حیدرآباد محکمہ موسمیات کے مطابق بالخصوص شمالی اور مشرقی تلنگانہ کے اضلاع میں شدید بارشیں متوقع ہیں۔

 

محکمہ موسمیات نے آج متحدہ کھمم اور ورنگل اضلاع کے لیے ییلو الرٹ جاری کیا ہے۔ بھدرادری کوتہ گوڑم، ہنمکنڈہ، جئے شنکر بھوپال پلی، جنگاؤں، کھمم، کومرم بھیم آصف آباد، میڑچل ملکاجگری، محبوب آباد، منچریال، ملگو، نلگنڈہ، رنگا ریڈی، سنگاریڈی، ورنگل اور یادادری بھونگیر اضلاع میں گرج چمک کے ساتھ ہلکی تا درمیانی بارش کا امکان ظاہر کیا گیا ہے۔

 

حکام نے بتایا کہ بعض علاقوں میں 40 کلومیٹر فی گھنٹہ کی رفتار سے تیز ہوائیں چل سکتی ہیں، لہٰذا عوام کو احتیاط برتنے کا مشورہ دیا گیا ہے۔

 

ریاست بھر میں صبح سے آسمان ابر آلود ہے۔ محکمہ موسمیات کے مطابق حیدرآباد میں آج دوپہر کے وقت ہلکی سے درمیانی بارش متوقع ہے، جبکہ شام 6 بجے کے بعد بارش کی شدت میں اضافہ ہوگا اور رات کے وقت شہر میں موسلادھار بارش ہونے کا امکان ہے۔