چیف منسٹر ریونت ریڈی کی رہائش گاہ کے قریب مشتبہ بیگ برآمد _ سیکیورٹی چوکس

تلنگانہ کے چیف منسٹر ریونت ریڈی کی رہائش گاہ کے قریب ایک مشتبہ بیگ لاوارث حالت میں برآمد ہوا جس پر علاقے میں سنسنی پھیل گئی ۔ بتایا جاتا ہے کہ اتوار کو چیف منسٹر کی سیکیورٹی ونگ کے عہدیداروں نے علاقہ کی معمول کی گشت کے دوران اس بیگ کو پایا اور فوری طور پر اپنی تحویل میں لے لیا۔

۱عہدیداروں نے بیگ کو مشکوک قرار دیتے ہوئے اس کی مکمل چھان بین شروع کر دی ہے تاکہ اس ک۱ے اندر موجود مواد کا پتہ لگایا جا سکے۔ ماہرین کی ٹیم، جن میں بم ڈسپوزل اسکواڈ کے افراد بھی شامل ہیں، کو فوری طور پر موقع پر طلب کیا گیا ہے تاکہ بیگ کو محفوظ طریقے سے کھولا جا سکے اور کسی ممکنہ خطرے سے نمٹا جا سکے۔

اس مشتبہ بیگ کی برآمدگی کے بعد، پولیس نے چیف منسٹر ریونت ریڈی کے گھر اور اس کے اطراف میں سخت حفاظتی اقدامات اٹھا لیے ہیں۔ چیف منسٹر کی رہائش گاہ کی طرف آنے والی تمام گاڑیوں کی کڑی نگرانی کی جا رہی ہے اور ہر گاڑی کی تفصیلی چیکنگ کی جا رہی ہے