عادل آباد میں درد مند ملت کے چند نوجوان قبرستان میں صفائی میں مصروف
شہر مستقر عادل آباد کے محلہ ترپلی میں واقع مسلم قبرستان میں صاف صفائی اور بنیادی سہولیات نہ ہونے کے سبب مرحومین کے ایصال ثواب کے لئے آنے والے افراد کو مشکلات کا سامنا ہے۔ترپلی میں واقع قبرستان کی خستہ حالت کا کوئی پرسان حال نہیں ہے۔قبرستان کے اطراف حصار بندی بھی نہیں ہے۔اب جب کہ موسم برسات کے سبب پورے قبرستان میں جنگلی جھاڑیاں اگی آئی ہیں۔
ایسے میں محلہ چلکوری نگر و اطراف کے فکر مند بعض نوجوانوں شیخ نزیر احمد،جاوید احمد اور دیگر نوجوانان گذشتہ دو دنوں سے آہستہ آہستہ قبرستان میں موجود جنگلی جھاڑیوں کی صفائی کرتے ہوئے دیکھے جارہے ہیں۔اور قبرستان میں جنگلی جھاڑیوں کی صفائی کی چند تصاویر سوشل میڈیا پر وائرل ہورہی ہیں۔اور عادل آباد کے فکر مند احباب و دانشوروں سے اپیل کی جارہی ہے کہ اس سلسلہ میں ٹھوس اقدامات کرتے ہوئے قبرستان کے تحفظ و صاف صفائی کے کاموں کے لئے مستقل منصوبہ بند طریقے سے لائحہ عمل تیار کریں اور ارباب مجاز بھی مداخلت کرتے ہوئے زندہ دلی کا ثبوت دیں اور اللہ تعالیٰ کی خوشنودی کے لئے قبرستان کی ترقی کے لئے کمربستہ ہوجائیں۔
