کریم نگر یوتھ سالیڈیرٹی موومنٹ کی جانب سے پاہلگام دہشت گرد حملے کے خلاف شمع جلوس، دہشت گردی کے خلاف سخت کارروائی کا مطالبہ
کریم نگر یوتھ سالیڈیرٹی موومنٹ کی جانب سے پاہلگام دہشت گرد حملے کے خلاف شمع جلوس، دہشت گردی کے خلاف سخت کارروائی کا مطالبہ
کریم نگر، 24 اپریل 2025
کشمیر کے پاہلگام علاقے میں دل دہلا دینے والے دہشت گرد حملے کے خلاف کریم نگر یوتھ سالیڈیرٹی موومنٹ نے آج ایک پُرامن شمع روشن کر احتجاجی جلوس منعقد کیا۔ اس احتجاج کا مقصد شہداء کو خراجِ عقیدت پیش کرنا، دہشت گردی کی سخت مذمت کرنا، اور حکومت پر مؤثر اور فوری اقدامات کا مطالبہ کرنا تھا۔ شہر کے تیلنگانہ چوراہے پر منعقد ہونے والے اس احتجاج میں مختلف سماجی تنظیموں، کالج طلباء، نوجوانوں اور شہریوں کی بڑی تعداد نے شرکت کی۔ احتجاج کے دوران شرکاء نے ہاتھوں میں شمعیں اور پلے کارڈز اٹھا رکھے تھے جن پر "ہمیں انصاف چاہیے”، "دہشت گردی مردہ باد” اور "شہداء کو سلام” جیسے نعرے درج تھے۔
اس موقع پر موومنٹ کے نمائندوں نے میڈیا سے گفتگو کرتے ہوئے کہا:
> پاہلگام کا حملہ نہ صرف انسانی جانوں کا نقصان ہے بلکہ یہ ملک کے امن و امان پر بھی ایک بڑا حملہ ہے۔ ہم حکومت سے مطالبہ کرتے ہیں کہ وہ اس واقعے کو صرف مذمت تک محدود نہ رکھے بلکہ اس کے ذمہ داروں کو کیفر کردار تک پہنچانے کے لیے فوری اور فیصلہ کن اقدام کرے۔
ملک کی داخلی سلامتی کو مزید مضبوط کیا جائے۔ حساس علاقوں میں سکیورٹی انفراسٹرکچر کو اپ گریڈ کیا جائے
شرکاء نے اس بات پر زور دیا کہ ملک کے ہر شہری کو چاہیے کہ وہ مذہب، زبان، یا علاقہ دیکھے بغیر دہشت گردی کی مذمت کرے اور امن و یکجہتی کے پیغام کو عام کرے۔ کریم نگر یوتھ سالیڈیرٹی موومنٹ نے یہ بھی اعلان کیا کہ وہ آنے والے دنوں میں شہداء کے انصاف کی مہم کا آغاز کرے گی اور دہشت گردی کے خلاف مسلسل آواز بلند کرتی رہے گی۔
