دسویں جماعت کے طالب علم پر حملہ۔ حیدرآباد کے کارپوریٹ اسکول میں واقعہ

حیدرآباد ۔ تلنگانہ کے میڈچل ملکاجگیری ضلع کے دمائی گوڑہ میں واقع ایک کارپوریٹ ہائی اسکول کے ہاسٹل میں دسویں جماعت کے ایک طالب علم کو مبینہ طور پر سینئر طلبہ نے بے رحمی سے تشدد کا نشانہ بنایا جس کے بعد طالب علم کی حالت تشویشناک بتائی جارہی ہے۔

متاثرہ طالب علم کی شناخت ابھیشیک کے طور پر ہوئی ہے جو کاماریڈی کا رہنے والا اور سری چیتنیا ہائی اسکول میں دسویں جماعت کا طالب علم ہے۔ اطلاعات کے مطابق رات کے وقت تقریباً 12 طلبہ نے مبینہ طور پر ہاسٹل میں ابھیشیک پر حملہ کیا۔

والدین کے مطابق حملہ آور طلبہ نے ابھیشیک کو لاٹھیوں اور پلیٹوں سے مارا اور مبینہ طور پر اس کے چہرے پر جوتوں سے بھی وار کیے۔ شدید حملے کے باعث طالب علم کو سنگین چوٹیں آئیں اور اس کی حالت نازک ہوگئی۔