حیدرآباد میں 2 بچوں کا اغوا۔ پولیس نے چند گھنٹوں میں ملزم کو پکڑ لیا

حیدرآباد: شہر کے گچی باؤلی پولیس اسٹیشن کے حدود میں واقع مجید بنڈہ علاقے میں واقع ایک تعمیراتی کمپنی کے لیبر کیمپ سے دو کمسن بچوں کے اغوا کے واقعے نے ہلچل مچا دی۔تعمیراتی کام میں مصروف مزدوروں کے بچوں کو نامعلوم افراد کے لے جانے کی اطلاع ملنے پر ارکان خاندان میں تشویش کی لہر دوڑ گئی۔

 

بچوں کے لاپتہ ہونے کے بعد ان کے والدین نے فوری طور پر پولیس سے رجوع کرتے ہوئے شکایت درج کرائی۔اطلاع ملتے ہی گچی باؤلی پولیس نے معاملے کو سنجیدگی سے لیتے ہوئے تحقیقات شروع کر دیں۔

 

بچوں کی تلاش کے لیے خصوصی سرچ آپریشن شروع کیا گیا اور مختلف زاویوں سے تفتیش کی گئی۔پولیس کی تحقیقات میں اہم شواہد ملنے کے بعد اغوا کے واقعے میں ملوث شخص کی شناخت کیے جانے کی اطلاع ہے۔

 

ابتدائی طور پر معلوم ہوا ہے کہ لیبر کیمپ میں ہی کام کرنے والا ایک شخص ہی بچوں کو اپنے ساتھ لے گیا تھا۔ ملزم کا سراغ لگانے کے لیے خصوصی ٹیمیں تشکیل دی گئی ہیں۔پولیس اس بات کی تحقیقات کر رہی ہے کہ بچوں کو کیوں لے جایا گیا

 

اس کے پیچھے اصل وجہ کیا تھی اور ملزم کا مقصد کیا تھا۔تازہ اطلاعات کے مطابق گھٹکیسر پولیس اسٹیشن کے حکام نے ملزم کی شناخت کر لی ہے۔ پولیس کی تیز کارروائی کے نتیجے میں چند ہی گھنٹوں کے اندر دونوں بچوں کو بحفاظت تلاش کرکے ان کے ارکان کے حوالے کر دیا گیا۔

 

بچوں کے خیریت سے مل جانے پر والدین اور خاندان کے افراد نے اطمینان کا سانس لی۔