جگتیال ضلع میں افسوسناک واقعہ، شوہر نے بیوی کو قتل کرنے کے بعد خودکشی کرلی

جگتیال میں افسوسناک واقعہ، شوہر نے بیوی کو قتل کرنے کے بعد خودکشی کرلی

تلنگانہ کے ضلع جگتیال میں ایک افسوسناک واقعہ پیش آیا۔ ملیال منڈل کے نوکاپلی گاؤں میں ناگا راجو نامی شخص نے مبینہ طور پر اپنی بیوی لکشمی کو گلا گھونٹ کر قتل کردیا۔ بعد ازاں اس نے بھی  گھر میں پھانسی لگا کر خودکشی کرلی۔

واقعہ کی اطلاع ملتے ہی پولیس جائے وقوع پر پہنچ گئی اور شواہد جمع کرنے کا عمل شروع کردیا۔ پولیس نے مقدمہ درج کرکے میاں بیوی کی موت کی وجوہات کی تحقیقات شروع کردی ہیں۔ واقعہ کی اصل وجہ تاحال سامنے نہیں آئی ہے اور مزید تفصیلات کا انتظار ہے۔