20 لاکھ عازمین کو حرمین ریلوے کی سہولت فراہم کرنے کا ہدف۔ وزارت ٹرانسپورٹ
ریاض ۔ کے این واصف
آئندہ حج سیزن کے لئے وزارت ٹرانسپورٹ کا عزم۔ حجاج کے لئے خوشخبری۔ سعودی عرب کے نائب وزیرٹرانسپورٹ و لاجسٹک سروسز اور ٹرانسپورٹ اتھارٹی کے چیئرمین رمیح الرمیح کا کہنا ہے حج سیزن میں عازمین کی ٹرانسپورٹیشن کا پروگرام ان کے گھروں سے نکلنے اور واپس تک ہوتا ہے۔
اخبار 24 کے مطابق جدہ میں حج و عمرہ نمائش و کانفرنس 2025 کے ایک سیشن سے خطاب کرتے ہوئے انہوں نے کہا فضائی ذریعے سے عازمین حج کے لیے 30 لاکھ نشستوں کا انتظام کیا جاتا ہے۔“سامان کے بغیرحج” کا گزشتہ تجربہ کافی کامیاب رہا جس سے گزشتہ برس 7 لاکھ حجاج مستفیض ہوئے، اس سال حج سیزن میں اس کے دائرہ عمل میں مزید اضافہ کرتے ہوئے 10 لاکھ عازمین تک یہ سہولت پہنچانے کا ارادہ ہے۔
رمیح الرمیح نے مزید کہا نسک پورٹل اور السعودیہ کے اشتراک سے آب زمزم کی سہولت حجاج کو کامیابی سے مہیا کی جارہا ہے۔ زم زم کے کین ان کے ملکوں میں پہنچا دیے جاتے ہیں جس سے انہیں آسانی ہوتی ہے۔حرمین ریلوے سروس کے بارے میں نائب وزیر کا کہنا تھا کہ گزشتہ برس 10 ملین حجاج کو یہ سہولت فراہم کی گئی جبکہ اس سال ہمارا ہدف 20 ملین تک کا ہے۔
