سعودی عرب میں عمرہ زائرین کا خوفناک حادثہ — 42 افراد سڑک حادثے میں جل کر جاں بحق، بیشتر کا تعلق حیدرآباد سے
سعودی عرب میں عمرہ زائرین کا خوفناک حادثہ — 42 افراد سڑک حادثے میں جل کر ہلاک، بیشتر کا تعلق حیدرآباد سے
سعودی عرب میں پیش آئے ہولناک سڑک حادثے میں عمرہ کے لیے گئے ہندوستانی زائرین کی بس ڈیزل ٹینکر سے ٹکرا گئی، جس کے نتیجے میں بس میں آگ بھڑک اُٹھی اور 42 افراد موقع پر ہی جل کر جاں بحق ہوگئے۔ یہ المناک واقعہ پیر کی علی الصبح تقریباً 1:30 بجے بدر–مدینہ روڈ پر مفرحت علاقے میں پیش آیا۔
میڈیا رپورٹس کے مطابق تمام زائرین مکہ مکرمہ میں عمرہ کی ادائیگی کے بعد مدینہ منورہ واپس جا رہے تھے۔ ہلاک ہونے والوں میں 20 خواتین اور 11 بچے شامل ہونے کی اطلاع ہے۔ ابتدائی معلومات کے مطابق مرنے والوں میں بیشتر کا تعلق حیدرآباد سے ہے۔
مقامی میڈیا نے 42 ہلاکتوں کی تصدیق کی ہے، تاہم سعودی حکام کی جانب سے ہلاک یا زخمی افراد کی تعداد کے بارے میں باضابطہ اعلان کا انتظار ہے۔
