فلائی ناس ساتویں مرتبہ مشرق وسطی کی بہترین لو بجٹ ایئرلائن قرار پائی

ریاض ۔ کے این واصف

مملکت لوبجٹ (کفایتی) ایرلائنز میں فلائی ناس نے پھر ایک بار بہترین ایر لائن کااعزاز حاصل کیا ہے۔ انٹرنیشنل ٹریکس آرگنائزیش نے سعودی عرب کی فضائی کمپنی “فلائی ناس” کومسلسل ساتویں مرتبہ مشرق وسطی کی بہترین لو بجٹ ایئرلائن قرار دیا ہے۔

 

سبق ویب کے مطابق انٹرنیشنل ٹریکس آرگنائزیش نے فلائی ناس کو دنیا کی تین سب سے کم لاگت والی ایئرلائن کا بھی درجہ دیا ہے۔فلائی ناس کے CEO بندر المھنا نے لندن میں سکائی ٹریکس ایوارڈز 2024 کی سالانہ تقریب میں شرکت کی اور اعزاز حاصل کیا۔

 

اسکائی ٹریکس ایوارڈ کے مطابق لوبجٹ ایوای ایشن سیکٹر میں فلائی ناس کا اپنی پوزیشن کو مستحکم رکھنا سعودی عرب کے نام پرایک کامیابی ہے۔فلائی ناس کے سی ای او بندر المھنا نے کہا کہ مملکت مختلف شعبوں خاص طور پر ٹریول، ٹورازم اور ایوی ایشن میں دنیا کے ممالک میں سب سے آگے ہے ان شعبوں پر سعودی وژن 2030 میں توجہ دی گئی ہے۔

انہوں نے اس کامیابی کو مسافروں کے اعتماد، ٹیم کی لگن اور سعودی قیادت کی طرف سے ملنے والی سپورٹ سے منسوب کیا جو کہ تمام سعودی کمپنیوں کو حکومت کی طرف سے حاصل ہے۔اسکائی ٹریکس ایوارڈز کا فیصلہ ہرسال مسافروں کی ووٹنگ سے ایک جامع سروے کے ذریعے کیاجاتا ہے اور یہ دنیا بھر میں ایوی ایشن انڈسٹری میں سب سے باوقار ایوارڈز میں سے ایک ہے۔

 

فلائی ناس نے اپنا فضائی سفر 2007 میں شروع کیا تھا اور آج 1500 سے زیادہ ہفتہ وار پروازوں کے ذریعے 70 سے زیادہ ملکی اور بین الاقوامی مقامات سے خود کو جوڑے ہوئے ہے۔ اس کا ہدف سعودی وژن 2030 کے مطابق 165 ڈومیسٹک اور انٹرنیشنل مقامات تک پہنچنا ہے۔