عظیم مجاہد آزادی تھے مولانا ابوالکلام آزاد

بارہ بنکی،(ابوشحمہ انصاری) مولانا ابوالکلام آزاد ایک عظیم مجاہد آزادی ادیب، ماہر تعلیم ہونے کے ساتھ ساتھ ملک کے پہلے وزیر تعلیم بھی تھے، انہوں نے نہ صرف جنگ آزادی میں اہم کردار ادا کیا بلکہ ملک کے تعلیمی نظام میں وسیع پیمانے پر اصلاحات بھی کیں۔بطور وزیر تعلیم۔ انہوں نے مفت تعلیم کے قیام، اعلیٰ تعلیمی اداروں، آئی آئی ایم، آئی آئی ٹی، یو جی سی کے قیام کی بنیاد رکھی۔ ملک میں تعلیمی میدان میں نمایاں تبدیلی کی وجہ سے انہیں ملک میں تعلیم کا بانی کہا جاتا ہے۔ عظیم مجاہد آزادی ابوالکلام آزاد کے یوم پیدائش کے موقع پر ضلع کانگریس کمیٹی کے صدر محسن نے کانگریس کمیٹی کے دفتر میں مولانا آزاد کو خراج عقیدت پیش کرنے کے بعد ان کی تصویر پر گلہائے عقیدت پیش کرنے کے بعد مذکورہ خیالات کا اظہار کیا۔ کانگریس کے ضلع صدر محسن نے کہا کہ مولانا آزاد کی ابتدائی تعلیم گھر پر ہوئی، 12 سال کی عمر میں مولانا نے کتابیں لکھنا شروع کیں، انہوں نے مذہب کی بنیاد پر نئے ملک پاکستان کی تشکیل کی بھی مخالفت کی، آل انڈیا نیشنل کانگریس کے کئی دفعہ صدر رہے۔ 10 دسمبر 1921 کو گرفتار کیا گیا اور مہاتما گاندھی کے ساتھ عدم تعاون کی تحریک میں شامل ہونے اور حکومت کے خلاف تقریر کرنے پر دو سال کی سزا سنائی گئی۔ قومی یوم تعلیم 11 نومبر کو ان کے اعزاز میں ایک عظیم قوم پرست رہنما کے طور پر منایا گیا جنہوں نے ہندو مسلم اتحاد پر زور دیا اور ہندوستانی تعلیم کے میدان میں اہم کردار ادا کیا۔ ملک کے پہلے وزیر تعلیم مولانا عبدالکلام آزاد کی یوم پیدائش کے موقع پر ان کی تصویر پر خراج عقیدت پیش کرنے والوں میں خاص طور پر محمد عرفان قریشی، اجیت ورما، شبنم وارث، سونم ویش رام چندر ورما، رمیش کشیپ، سنجیو مشرا، امبریش اور دیگر نے شرکت کی۔ راوت، روی کنڈ ورما ماتا پرساد مشرا سمیت درجنوں کانگریسی موجود رہے۔