سڑک پر راستہ نہ دینے پر بگڑی بات، بھارتی نژاد خاتون نے پیدل شخص کا بیاگ کھینچا، کینیڈا پولیس نے خاتون کو کرلیا گرفتار

کینیڈا میں ٹریفک کے معاملے پر ہونے والے تنازعہ کے بعد بھارتی نژاد ایک خاتون کو گرفتار کرلیا گیا۔ یہ واقعہ کیلگری شہر میں پیش آیا۔

 

اطلاعات کے مطابق سڑک عبور کرنے والے ایک پیدل شخص کو ایک گاڑی نے راستہ نہیں دیا۔ اس پر اس شخص نے اپنے موبائل فون سے واقعے کی ویڈیو بنانا شروع کردی۔ اسی دوران گاڑی میں سوار خاتون باہر نکلی اور اس شخص سے بحث کرنے لگی۔

 

خاتون نے ویڈیو بنانے سے منع کرتے ہوئے اس کا موبائل فون چھیننے کی کوشش کی۔ بعد ازاں اس نے اس شخص کا بیگ پکڑ کر اسے سڑک کی جانب کھینچ لیا، جس کے باعث ٹریفک کی روانی بھی متاثر ہوئی۔

 

اطلاع ملنے پر پولیس موقع پر پہنچ گئی اور خاتون کو حراست میں لے لیا۔ واقعے کی ویڈیو سوشل میڈیا پر وائرل ہوگئی ہے، جس پر صارفین کی جانب سے خاتون کے رویے پر شدید ردعمل کا اظہار کیا جا رہا ہے۔