کاماریڈی کے صحافیوں کو ضلع کلکٹر کا تحفہ، بارش کے موسم میں راحت پہنچانے کیلئے رین کوٹ کی تقسیم
کاماریڈی کے صحافیوں کو ضلع کلکٹر کا تحفہ، بارش کے موسم میں راحت پہنچانے کیلئے رین کوٹ کی تقسیم
کاماریڈی، 6 جون (سیدکوثرعلی کی رپورٹ)ضلع کلکٹر اشش سنگوان نے بارش کے موسم میں فیلڈ میں خدمات انجام دینے والے صحافیوں کی سہولت کے لیے رین کوٹ تقسیم کیے۔کلکٹریٹ کے کانفرنس ہال میں منعقدہ تقریب کے دوران ضلع بھر سے تعلق رکھنے والے مختلف پرنٹ اور الیکٹرانک میڈیا نمائندوں کو رین کوٹ تقسیم کرتے ہوے انھوں نےکہا کہ صحافی شدید گرمی، بارش اور دیگر نامساعد حالات میں بھی عوام تک بروقت اور مستند معلومات پہنچانے کی اہم ذمہ داری نبھاتے ہیں۔
انہوں نے کہا کہ مانسون کے دوران زمینی سطح پر خبریں جمع کرنے والے میڈیا نمائندوں کے لیے رین کوٹ انتہائی مفید ثابت ہوں گے۔انہوں نے کہا کہ ضلع کی ترقیاتی سرگرمیوں، سرکاری فلاحی اسکیموں کے نفاذ اور عوامی مسائل کو اجاگر کرنے میں میڈیا کا کردار نہایت اہم ہے۔ ضلع انتظامیہ کو میڈیا کا ہمیشہ تعاون حاصل رہا ہے اور امید ہے کہ یہ تعاون آئندہ بھی اسی جذبے کے ساتھ جاری رہے گا۔
اس موقع پر RDO N. V. Giri، ڈی پی آر او تروملا، ڈی پی او مرلی، صحافتی تنظیموں کے نمائندے، پرنٹ و الیکٹرانک میڈیا کے صحافی، محکمہ اطلاعات کے ملازمین اور دیگر معزز شخصیات موجود تھے
