حیدرآباد کے ایک مکان میں فریج پھٹ پڑا – اس کے بعد آگ لگنے سے گھر کا سامان جل گیا

حیدرآباد کے صنعت نگرکے راجاراجیشوری نگر علاقہ میں ایک مکان میں ریفریجریٹرپھٹ پڑا۔

جمعرات کی صبح ستیہ نارائن نامی شخص کے مکان میں موجود فریج اچانک پھٹ پڑا   اس واقعہ سے آگ بھڑک اُٹھی۔ اس کے ساتھ ہی چند ہی لمحوں میں آگ نے پورے گھر کی اشیاء کو اپنی لپیٹ میں لے لیا۔

فائر بریگیڈ کے عملہ نے فوری موقع پر پہنچ کر آگ پر قابو پایا۔ خوش قسمتی سے اس واقعہ کے وقت گھر میں کوئی موجود نہیں تھا جس کی وجہ سے ایک بڑا حادثہ ٹل گیا۔

بعد ازاں مقامی ایم ایل اے سرینواس یادو نے وہاں کا دورہ کر کے متاثرہ خاندان سے ملاقات کی اور انہیں ہر ممکن تعاون کی یقین دہانی کرائی۔