حیدرآباد میں علاج کے بعد امیتابھ بچن ممبئی روانہ _ صحت کے بارے میں دی مزید جانکاری
حیدرآباد _ 7 مارچ ( اردولیکس) بگ بی امیتابھ بچن جو تلگو فلموں کے مشہور اداکار پربھاس کی فلم ” پراجیکٹ کے ” کی حیدرآباد میں شوٹنگ کے دوران حادثاتی طور پر زخمی ہوگئے تھے۔ ایکشن سین کی شوٹنگ کے دوران ایک حادثے میں امیتابھ کی پسلیاں زخمی ہو گئیں۔ حادثے کے بعد امیتابھ کو حیدرآباد کے گچی باولی اے آئی جی اسپتال منتقل کیا گیا۔ امیتابھ علاج کے بعد ممبئی روانہ ہو گئے۔ ڈاکٹروں نے مشورہ دیا کہ امیتابھ کو دو سے چار ہفتے بیڈ ریسٹ کی ضرورت ہے اور پھر وہ شوٹنگ میں حصہ لے سکتے ہیں۔ اس حادثے کے بعد امیتابھ بچن نے سوشل میڈیا کے ذریعے اپنی صحت کی تازہ اپ ڈیٹ شیئر کی اور تمام مداحوں کو ہولی مبارک ہو۔
امیتابھ بچن نے کہا کہ تمام لوگوں کا شکریہ جنہوں نے میری صحت کے بارے میں تشویش کا اظہار کیا۔ میں آپ کی محبتوں اور دعاؤں کا کافی مشکور ہوں۔ میں آپ کی وجہ سے صحت مند ہوں۔ میری طبیعت اس وقت خراب ہے۔ مکمل صحت یاب ہونے میں کچھ وقت لگ سکتا ہے۔ ڈاکٹر کی ہدایات پر عمل کررہا ہوں ۔ کچھ ہفتے آرام ضروری ہے۔ میری وجہ سے بہت سی چیزیں رک گئی ہیں۔ ڈاکٹر کے مشورے کے بعد تمام حالات بہتر ہوں گے اور آگے بڑھیں گے۔ سب کو ہولی مبارک ہو۔ جلد ہی ملتے ہیں
