سکندرآباد حادثہ مہلوکین کی تعداد 8 ہوگئی۔ مرنے والوں شناخت کرلی گئی

حیدرآباد: سکندرآباد آتشزدگی حادثہ میں مرنے والوں کی تعداد 8 تک پہنچ گئی۔ کل رات 7 افراد فوت ہوگئے تھے جبکہ آج علاج کے دوران ایک اورزخمی کی موت ہوگئی۔ مہلوکین کا تعلق دہلی، آندھراپردیش اورچینائی سے بتایا گیا ہے۔ مرنے والوں کی شناخت ہریش وجئے واڑہ، ویریندرکمار دہلی،سیتا رامن، بالاجی چینائی،راجیو مائک، سندیپ ملک دہلی کے طورپرکی گئی ہے جبکہ دیگردو زخمیوں کی ہنوز شناخت نہیں ہوسکی۔ واضح رہے کہ کل رات الکٹرک بائیک شوروم میں لگی آگ کے بعد اوپری منزل میں واقع لاج میں مقیم افراد اس حادثہ میں ہلاک اورزخمی ہوئے ہیں کیونکہ آگ نے لاج کو بھی اپنی زد میں لے لیا تھا جس کی وجہہ سے لاج میں دھواں بھرگیا تھا۔