اندرا گاندھی کی 40 ویں برسی کے موقع پر کھمم میں کانگریس پارٹی کی جانب سے شاندار خراج عقیدت

اندرا گاندھی کی 40 ویں برسی کے موقع پر کھمم میں کانگریس پارٹی کی جانب سے شاندار خراج عقیدت پیش کیا گیا۔ اس موقع پر سابق وزیر اعظم اندرا گاندھی کو بھرپور خراج تحسین پیش کرنے کے لیے کھمم ضلع کانگریس صدر درگا کی قیادت میں کانگریس پارٹی آفس اور شہر کے مختلف مقامات پر تقریبات منعقد کی گئیں۔ ان تقریبات میں اندرا گاندھی کے مجسمے پر پھولوں کے ہار چڑھائے گئے۔

کھمم ضلع کانگریس صدر درگا نے خطاب کرتے ہوئے کہا کہ سابق وزیر اعظم اندرا گاندھی نے ملک میں "غریبی ہٹاؤ” کا نعرہ دیا تھا، جس کا مقصد ملک کے ہر شہری کو ترقی کا موقع فراہم کرنا تھا۔ انہوں نے کہا کہ اندرا گاندھی کے اس نعرے پر عمل کرتے ہوئے کانگریس پارٹی ملک کے غریب طبقے کو حکومتی سطح پر تمام مراعات فراہم کر رہی ہے تاکہ وہ ترقی کی راہ پر گامزن ہو سکیں۔

اس موقع پر کانگریس پارٹی کے دیگر رہنما اور کارکنان بھی موجود تھے۔