تلنگانہ کے ان اضلاع میں آج بارش کا امکان

حیدرآباد: تلنگانہ کے کئی اضلاع میں آئندہ چند گھنٹوں کے دوران گرج چمک کے ساتھ شدید بارش ہونے کا امکان ہے جس کے پیشِ نظر حیدرآباد محکمۂ موسمیات نے انتباہ جاری کیا ہے۔

 

محکمۂ موسمیات کے مطابق خاص طور پر محبوب نگر، ونپرتی، ناگر کرنول، نارائن پیٹ، گدوال، رنگا ریڈی اور نلگنڈہ اضلاع میں بارش کے امکانات زیادہ ہیں۔ اس دوران تقریباً 40 کلومیٹر فی گھنٹہ کی رفتار سے تیز ہوائیں چلنے کا بھی

 

خدشہ ظاہر کیا گیا ہے۔ اسی وجہ سے متعلقہ اضلاع کے لیے حکام نے ’ییلو الرٹ‘ جاری کرتے ہوئے عوام کو محتاط رہنے کی ہدایت دی ہے۔واضح رہے کہ ہفتہ کی رات حیدرآباد سمیت ریاست کے کئی علاقوں میں اچھی بارش ہوئی تھی

 

جس سے گرمی کی شدت میں معمولی کمی آئی۔ اب محکمۂ موسمیات کی تازہ پیش گوئی کے بعد مزید اضلاع میں موسم خوشگوار ہونے کا امکان ہے۔حکام نے خاص طور پر کسانوں اور عوام کو مشورہ دیا ہے

 

کہ تیز ہواؤں اور گرج چمک کے پیشِ نظر ضروری احتیاطی تدابیر اختیار کریں۔