ہائی ٹیک جسم فروشی کا ریاکٹ بے نقاب۔ ممبئی پولیس نے دو اداکاراؤں کو بچا لیا

File photo

ممبئی: ممبئی پولیس نے ایک بار پھر ایک ہائی پروفائل جسم فروشی کے ریاکیٹ کا پردہ فاش کیا ہے۔ پولیس نے گرگاؤں علاقے کے ایک ہوٹل میں جاری مبینہ جسم فروشی کے اڈہ پر چھاپہ مار کر دو اداکاراؤں کو بچا لیا۔ اس معاملے میں ایک

 

شخص کو جو مبینہ طور پر دلال (بروکر) کے طور پر کام کر رہا تھا رنگے ہاتھوں گرفتار کر لیا گیا۔پولیس کے مطابق وہاں سے بازیاب کی گئی خواتین میں ایک مراٹھی فلم انڈسٹری کی معروف اداکارہ ہے جبکہ دوسری بنگالی فلموں میں اداکاری

 

کرنے کے ساتھ ساتھ بالی ووڈ فلموں میں بھی مختصر کردار ادا کر چکی ہے۔ متاثرہ خواتین کی رازداری اور تحفظ کے پیشِ نظر پولیس نے ان کے نام ظاہر نہیں کیے۔ پولیس کا کہنا ہے کہ انہیں ملزم نہیں بلکہ متاثرہ افراد سمجھتے ہوئے تحفظ

 

فراہم کیا گیا ہے۔پولیس نے ملزم کو جو خود کو میک اپ آرٹسٹ بتاتا تھا رنگے ہاتھوں گرفتار کیا۔ ابتدائی تحقیقات کے مطابق فلم انڈسٹری میں اپنے تعلقات اور جان پہچان کی بنیاد پر وہ اس مبینہ غیر قانونی دھندے میں ملوث تھا۔ پولیس اب اس

 

کے رابطوں کی بھی جانچ کر رہی ہے تاکہ معلوم کیا جا سکے کہ آیا اس نیٹ ورک کے ذریعے مزید خواتین کو بھی نشانہ بنایا گیا تھا یا نہیں۔اس کے علاوہ پولیس یہ بھی تحقیق کر رہی ہے کہ دونوں اداکارائیں اس ہوٹل تک کیسے پہنچیں آیا

 

انہیں کسی نے دھمکایا تھا یا مالی فائدے کے لیے ان کا استحصال کیا گیا تھا۔ ایک سینئر پولیس افسر کے مطابق اس سلسلے میں مزید تفتیش جاری ہے۔چند روز قبل تھانے کے کلیان علاقے میں بھی ایک ہوٹل سے ایک مبینہ جسم

 

فروشی کے ریکیٹ کا انکشاف ہوا تھا۔ تحقیقات میں معلوم ہوا کہ ایک خاتون وکیل اس نیٹ ورک کو چلا رہی تھی جس کے بعد اسے گرفتار کر لیا گیا۔ پولیس کے مطابق وہ مالی مشکلات کا شکار خواتین کی مجبوریوں سے فائدہ اٹھا کر ان سے

 

یہ کام کروارہی تھی۔ اینٹی ہیومن ٹریفکنگ سیل کے اہلکار عام گاہکوں کے بھیس میں ہوٹل پہنچے نگرانی کی اور کارروائی کے دوران دو خواتین کو بچایا۔ اس وقت ممبئی پولیس دونوں مقدمات سے متعلق فون ریکارڈز اور بینک لین دین کا باریک

 

بینی سے جائزہ لے رہی ہے تاکہ اس نیٹ ورک میں ملوث دیگر افراد کی بھی نشاندہی کی جا سکے۔