بیوی کی سالگرہ کے دن ہی شوہر نے بیچ سڑک پر گولی مار کر قتل کر دیا

نئی دہلی: بیوی کی سالگرہ کے دن ہی ایک شوہر نے اسے بیچ سڑک پر گولی مار کر قتل کر دیا۔ یہ ہولناک واقعہ دہلی کے ونود نگر علاقے میں پیش آیا۔ سال 2023 میں منیش بھاٹی نامی شخص کی شادی پرینکا نامی خاتون سے ہوئی تھی۔

 

منیش دہلی پولیس کے اینٹی آٹو تھیفٹ اسکواڈ میں خدمات انجام دے رہا ہے جبکہ پرینکا گھریلو خاتون تھی۔ خاتون کی سالگرہ کے موقع پر دونوں میاں بیوی رات کے 2 بجے باہر نکلے۔

 

اس دوران ان کے درمیان کسی بات پر بحث ہو گئی اور راستے میں لال بہادر شاستری ہسپتال کے قریب پرینکا گاڑی سے اتر گئی۔اس بات پر غصے سے منیش نے اپنی بندوق سے اس پر گولیاں چلا دیں اور وہاں سے فرار ہو گیا۔

 

سڑک پر شدید خون بہنے کی حالت میں پڑی پرینکا کو دیکھ کر ایک ڈیلیوری بوائے نے فوری طور پر اسے ہسپتال پہنچایا جہاں ڈاکٹروں نے بتایا کہ وہ پہلے ہی دم توڑ چکی ہے۔مقامی لوگوں کا کہنا ہے کہ گھر سے نکلنے سے پہلے بھی دونوں کے درمیان جھگڑا ہوا تھا۔

 

ارکان خاندان نے انکشاف کیا کہ سال 2024 میں منیش نے جہیز کے لیے بیوی پرینکا کو ہراساں کیا تھا جس کی وجہ سے پریانکا 8 ماہ تک اپنے بھائی کے گھر رہی تھی۔ پولیس خصوصی ٹیموں کے ذریعے فرار ملزم منیش کی تلاش کر رہی ہے۔

Gemini is AI and ca