فلپ کارٹ ڈیلیوری ایجنٹ نے سامان پہنچانے کے بعد خاتون کے ساتھ نازیبا حرکت کی – نیلوفر فاطمہ کی ویڈیو وائرل ہونے کے بعد نوجوان گرفتار

 

بنگلورو کے مراٹھاہلی علاقے میں فلپ کارٹ کے 22 سالہ ڈیلیوری ایجنٹ وجے ملیکارجن کامت کو ایک خاتون کے ساتھ مبینہ جنسی ہراسانی اور نازیبا حرکت کرنے کے الزام میں گرفتار کر لیا گیا ہے۔

 

پولیس کے مطابق، ہفتہ کی شام ملزم آرڈر کی ڈیلیوری کے لیے منّیکولالا کے ایک اپارٹمنٹ پہنچا، جہاں اس نے باتھ روم استعمال کرنے کی اجازت مانگی۔ خاتون نیلوفر فاطمہ کا الزام ہے کہ باتھ روم سے باہر آنے کے بعد ملزم نے اس کے سامنے نازیبا حرکت کی۔

 

متاثرہ خاتون نے واقعہ کی ویڈیو ریکارڈ کرکے سوشل میڈیا پر شیئر کی، جس کے بعد مراٹھاہلی پولیس نے فوری نوٹس لیتے ہوئے ان کی شکایت پر مقدمہ درج کر لیا۔

 

وائٹ فیلڈ کے ڈپٹی کمشنر آف پولیس  سیدولو ادویتھ کے مطابق، ملزم کے خلاف بھارتیہ نیایا سنہتا (BNS) کی دفعات 75، 79 اور 329(2) کے تحت کیس نمبر 345/2026 درج کیا گیا ہے۔ ملزم کو گرفتار کر لیا گیا ہے اور اس کے خلاف قانونی کارروائی جاری ہے، جبکہ پولیس واقعہ کی مزید تفتیش کر رہی ہے۔