دہلی میں سرعام ایک لڑکی کا اغوا۔ ویڈیو سوشل میڈیا پروائرل

نئی دہلی: دہلی میں سرعام ایک لڑکی کے اغوا کے واقعہ سے سنسنی پھیل گئی۔ سوشل میڈیا پرایک ویڈیو تیزی کے ساتھ وائرل ہورہا ہے جس میں دیکھا جاسکتا ہے کہ کس طرح سے منگول پوری علاقہ سے تین نوجوانوں نے سرعام ایک لڑکی کا اغوا کرلیا۔اس ویڈیو میں دو نوجوانوں کو ایک لڑکی کو گھسیٹتے ہوئے اور گاڑی میں ڈھکیلتے ہوئے دیکھا جا سکتا ہے۔

ڈپٹی کمشنر آف پولیس (ڈی سی پی) بیرونی ضلع ہریندر کمار سنگھ نے کہا کہ یہ ویڈیو ہفتہ کی رات ان کے نوٹس میں آیا ، انہوں نے کہا کہ گاڑی اور ڈرائیور کا سراغ لگا لیا گیا ہے۔ دو لڑکوں اور ایک لڑکی نے روہنی سے وکاس پوری جانے کے لیے اوبر کے ذریعے گاڑی بک کرائی تھی۔ راستے میں ان کے درمیان جھگڑا اور ہاتھا پائی ہوئی۔ ویڈیو میں دیکھا جا سکتا ہے کہ لڑکا لڑکی کو زبردستی کار کے اندر دڈھکیل رہا ہے۔ ٹیکسی کے مالک کی شناخت گڑگاؤں کے رہائشی کے طور پر ہوئی ہے اور وہاں ایک ٹیم بھیجی گئی ہے۔ عہدیدار نے کہا کہ تمام ملزمان کے خلاف سخت کارروائی کی جائے گی۔

Viral video of Girl being kidnapped from Mangolpuri.
If it was for making reels strict action should be taken

Sharing thread of Investigation: pic.twitter.com/C54bDjZ1dN

— Atulkrishan (@iAtulKrishan) March 19, 2023