آسٹریلیا کے خلاف بھارت کی سنسنی خیز جیت

حیدرآباد _ 23 ستمبر ( اردولیکس ڈیسک) ٹیم انڈیا نے آسٹریلیا کے خلاف دوسرے T20 میچ میں آج سنسنی خیز جیت حاصل کی۔ بھارت  جو 8 اوور میں 91 رنز کے ہدف کے ساتھ میدان میں  اترے تھے کپتان روہت شرما نے ایک سپر اننگز کے ساتھ ٹیم کو  جیت دلائی ۔ اس کے ساتھ ہی تین میچوں کی سیریز 1-1 سے برابر ہوگئی۔ گراؤنڈ گیلی  ہونے کی وجہ سے اس میچ کو 8 اوورز کا کر دیا گیا۔ بھارت نے ٹاس جیت کر فیلڈنگ کا فیصلہ کیا۔ آسٹریلیا نے پہلے بیٹنگ کرتے ہوئے مقررہ اوورز میں 5 وکٹوں پر 90 رنز بنائے۔ آسٹریلیا کی جانب سے میدان میں اترنے والے میتھیو ویڈ نے 20 گیندوں پر 43 رنز بنائے اور ناٹ آؤٹ رہے۔ کپتان ایرون فنچ نے 14 گیندوں پر 31 رنز بنائے۔ کیمرون گرین 4، میکسویل 0، ٹم ڈیویٹ 2، سمتھ 7 رنز بنا کر آؤٹ ہوئے۔ ہندوستانی گیند بازوں میں اکشر پٹیل نے 2 اور بمراہ نے 1 وکٹ حاصل کی۔

اس کے بعد بھارت کی جانب سے کپتان روہت شرما نے 20 گیندوں پر 46 رنز کی شاندار اننگز کھیلی، کے ایل راہول 1، دنیش کارتک جو دیر سے آئے دو گیندوں میں 10 رنز بنا کر آؤٹ ہوئے۔ بھارت نے چار گیندیں باقی رہ کر جیت لی۔ آسٹریلیا کی بولنگ کی بات کی جائے تو ایڈم زمپا نے 3 اور کمنز نے 1 وکٹ حاصل کی۔ بھارت اور آسٹریلیا کے درمیان ایک ایک میچ جیتنے کے بعد سیریز کا فیصلہ کرنے والا آخری میچ اس ماہ کی 25 تاریخ کو حیدرآباد میں ہوگا۔