این آر آئی کا قائم کردہ SAP Kidney Care Center ایک قابل رشک پروجکٹ – ڈاکٹر اوصاف سعید
کے این واصف
ڈاکٹر اوصاف سعید سابق سکریٹری وزارت خارجہ ہند نے SAP کڈنی کیر سنٹر، حیدرآباد کا دورہ کیا۔ سنٹر کے بانی و چیرمین ڈاکٹر محمد نیاز احمد خاں، ڈائریکٹر ڈاکٹرمحمد شعیب احمد خاں اور ڈاکٹر محمد عاقب احمد خاں نے اسپتال کے تمام شعبہ جات، وہاں موجود اعلیٰ طبی آلات و سہولتون سے واقف کرایا۔
اسپتال کے دورے کے بعد ڈاکٹر اوصاف سعید نے اپنے خیالات کا اظہار کرتے ہوئے کہا کہ وہ SAP کڈنی سنٹر کی پوری ٹیم کو مبارکباد پیش کرتے ہیں جو ڈاکٹر نیاز احمد خاں کی قیادت میں اعلیٰ پیمانے پر نہایت پروفیشنل انداز میں اس سوپراسپشیالٹی سنٹر کو چلارہے ہیں۔ انھوں نے مزید کہا کہ وہ اس سنٹر کے نظام کارکردگی، یہاں دستیاب سہولیات کا مشاہدہ کرکے بےحد متاثر ہوئے۔ یہ کڈنی سنٹر دنیا کے کسی بھی ترقی یافتہ ملک کے سنٹر کے مقابلے کسی طرح کم نہین۔ یہاں جس طرح مریضوں کی دیکھ بھال اور ان کو بہترین خدمت کے ذریعہ مطمئن کیا جاتاہے وہ قابل ستائش ہے۔
ڈاکٹر اوصاف نے مزید کہا کہ سب سے اہم بات یہ ہے کہ جواں سال Nephrologist ڈاکٹر شعیب احمد خاں سوشیل میڈیا کا استعمال کرتے ہوئے گردوں کے مرض سے متعلق عوام میں آگہی پھیلاتے ہیں۔ اس مرض سے بچنے، احتیاطی تدابیر اختیار کرنے، علامات ظاہر ہونے پر بر وقت ڈاکٹر سے رجوع ہونے وغیرہ جیسے مشوروں کے ذریعہ شعور بیدار کرتے ہین۔ ڈاکٹر اوصاف نے کہاکہ ڈاکٹر نیاز احمد خاں سے ان کے مستقبل کے منصوبوں کے بارے میں جانکاری حاصل کرکے مسرت ہوئی اور مین ان کی ترقی کی منازل طئے کرنے پر اپنی نیک تمنائیں پیش کرتا ہوں۔
ڈاکٹر شعیب احمد خاں نے کہا کہ شعبہ طب سے جڑے ڈاکٹرز کا کام صرف مرض کا علاج کرنا نہین بلکہ امراض کو پھیلنے سے روکنے کی سمت بھی کام کرنا چاہئیے۔ اسی لئے SAP مسلسل بنیاد پر سوشیل میڈیا پر ویڈیوز کے ذریعہ مختلف امراض سے بچنے کے بارے میں شعور بیداری کی مہم چلاتا ہے۔
ڈاکٹر نیاز احمد خاں اور ان کے فرزندان ڈاکٹر شعیب اور ڈاکٹر عاقب نے ڈاکٹر اوصاف سعید کو SAP کی جانب سے تہنیت پیش کرتے ہوئے ان کی شال پوشی کی اور گلدستے پیش کئے۔ اس موقع پر سعودی عرب میں برسرے کار رہے سابق این آر آئیز کی ایک بڑی تعداد شریک محفل رہی۔ مہمان کو SAP شائع کردہ میگزین اور دیگر معلوماتی مواد پیش کیا گیا۔ ڈاکٹر نیاز احمد خاں کے ہدیہ تشکر پر تقریب کا اختتام عمل میں آیا۔
