سڈنی فائرنگ میں جانیں بچانے والے ہیرو احمد ال احمد کو پرتھ اسٹیڈیم میں شاندار عوامی خراجِ – احمد کی بہادری کے اعزاز میں اسٹیڈیم تالیوں سے گونج اٹھا

حیدرآباد _ 4 جنوری (اردولیکس ڈیسک) سڈنی کے بونڈی بیچ میں حال ہی میں پیش آنے والے دہشت گردانہ فائرنگ کے واقعہ نے پوری دنیا کو ہلا کر رکھ دیا تھا۔ اس افسوسناک واقعہ کے دوران احمد ال احمد نامی شخص نے دہشت گردوں کا ڈٹ کر مقابلہ کرتے ہوئے کئی قیمتی جانیں بچائیں۔ ان کی غیر معمولی بہادری پر انہیں ایک ’’حقیقی ہیرو‘‘ کے طور پر تسلیم کیا گیا اور آسٹریلوی حکومت کی جانب سے انہیں باوقار انداز میں اعزاز سے نوازا گیا۔

 

اسی واقعہ میں ان کے ساتھ دیگر افراد کی جانیں بچانے والے چند مزید افراد کو بھی حال ہی میں آسٹریلیا کے پرتھ اسٹیڈیم میں کھیلے جا رہے آسٹریلیا اور انگلینڈ کے درمیان میچ کے دوران اسٹیڈیم میں خصوصی طور پر مدعو کیا گیا۔

 

اس موقع پر اسٹیڈیم میں موجود تمام تماشائی احتراماً کھڑے ہو گئے اور ان کی جرات و قربانی کو خراجِ تحسین پیش کرتے ہوئے زوردار تالیاں بجائیں، جس سے اسٹیڈیم دیر تک تالیوں کی گونج سے معمور رہا۔

 

واضح رہے کہ سڈنی کے بونڈی بیچ فائرنگ واقعات میں 15 افراد ہلاک ہوئے اور 40 سے زائد افراد زخمی ہوئے تھے — پولیس اور حکام کے اعداد و شمار کے مطابق 15 افراد ہلاک ہوئے جن میں مختلف عمروں کے لوگ شامل تھے، جبکہ 40 سے زیادہ زخمیوں کو اسپتال منتقل کیا گیا تھا۔ ایک مشتبہ حملہ آور کو پولیس نے موقع پر ہلاک کردیا تھا، جس کے ساتھ مل کر ہلاک شدگان کی تعداد بعض رپورٹس میں کل 16 بھی بتائی گئی ہے

 

اس واقعے کو آسٹریلیا کی جدید تاریخ کا سب سے مہلک دہشت گردانہ حملہ قرار دیا گیا ہے، جس میں معصوم افراد کے ساتھ ساتھ کچھ نے خود بہادری دکھاتے ہوئے دوسروں کی جانیں بچانے کی کوشش کی تھی۔

 

یہ واقعہ سڈنی کے معروف ساحل بونڈی بیچ پر پیش آیا تھا، جبکہ یہ اعزازی تقریب پرتھ میں منعقد ہوئی، جو انسانی ہمدردی اور بہادری کی ایک روشن مثال بن کر سامنے آئی۔