دہلی سمیت شمالی ریاستوں اور پاکستان میں زلزلے کے جھٹکے
نئی دہلی _ قومی راجدھانی دہلی میں زبردست زلزلہ آیا ہے۔ جمعرات کی سہ پہر دارالحکومت اور قریبی علاقوں میں زلزلے کے جھٹکے محسوس کیے گئے۔ نیشنل سینٹر فار سیسمولوجی کے مطابق ریکٹر اسکیل پر زلزلے کی شدت 6.1 تھی۔ افغانستان میں زلزلے کے مرکز کی نشاندہی کی گئی ہے۔
دہلی کے ساتھ ساتھ پنجاب، چندی گڑھ، جموں و کشمیر سمیت کئی شمالی ریاستوں میں زلزلے کے جھٹکے محسوس کیے گئے۔ دہلی-این سی آر علاقے میں تقریباً 30 سیکنڈ تک زلزلے کے باعث لوگوں میں خوف وہراس پھیل گیا۔ وہ گھروں اور دفاتر سے باہر بھاگ گئے۔ دوسری جانب زلزلے کے جھٹکوں سے گھروں میں پنکھے اور دیگر اشیاء لرز اٹھیں۔ مقامی لوگوں نے اس سے متعلق مناظر کو ریکارڈ کر کے سوشل میڈیا پر پوسٹ کر دیا۔
پڑوسی ملک پاکستان میں بھی زلزلے کے جھٹکے محسوس کیے گئے۔ پاکستان جیو نیوز نے انکشاف کیا ہے کہ لاہور، اسلام آباد اور خیبر پختونخوا سمیت کئی علاقوں میں زلزلے کے جھٹکے محسوس کیے گئے۔
A Stronge Earthquake Tremors felt in Delhi ~ NCR 😥😥#Earthquakes #DelhiNCR #EarthquakesDelhi #Vamika pic.twitter.com/kfSYJ38bmd
— Abhay Raj (@AbhayRaj_017) January 11, 2024
