جدہ میں این آر آئی کمیونٹی کی جانب سے قونصل جنرل شاہد عالم کی رخصتی کے لئے وداعی تقریب کا اہتمام
جدہ، 3 اگست (عرفان محمد) سعودی عرب کے شہر جدہ سبکدوش ہونے والے ہندوستانی قونصل جنرل محمد شاہد عالم کے اعزاز میں وداعی تقریب منعقد کی گئی ۔ مختلف ہندوستانی کمیونٹی تنظیموں کی جانب سے اس وداعی تقریب کا اہتمام کیا تھا جہاں ممتاز این آر آئیز نے ہندوستانی مشن اور کمیونٹی کے درمیان خوشگوار تعلقات کو مستحکم کرنے میں ان کے اہم کردار کے لئے قونصل جنرل محمد شاہد عالم کی ستائش کی۔ کمیونٹی لیڈرس نے این آر آئیز کی شکایات کو دور کرنے کی ان کی کوششوں کو سراہا ۔
اس موقع پر قونصل جنرل شاہد عالم نے اپنے خطاب میں کہا کہ ہندوستانی کمیونٹی ، عوامی سفارت کاری میں ایک اہم ستون ہے انہوں نے کہا کہ یہ تارکین وطن کی موثر حمایت تھی کہ ہندوستانی قونصل خانے نے آپریشن کاویری، جنگ زدہ سوڈان سے ہندوستانی شہریوں کو نکالنے کا آپریشن کامیابی سے انجام دیا۔ انہوں نے حج کے دوران ہندوستانی کمیونٹی کے رضاکاروں کی خدمات پر بھی روشنی ڈالی۔ شاہد عالم نے کہا کہ نئے قونصلیٹ کے احاطے میں کشادہ آڈیٹوریم ہال ، کمیونٹی کی سرگرمیوں کو تقویت بخشے گا۔
سفارت کار نے سامعین کو یہ بھی بتایا کہ موت کے کیسوں پر کارروائی میں وقت کم کرنے کے لئے قونصلیٹ نے ، موت کے کیسوں کے لیے این او سی جاری کرنے کے لئے ڈیجیٹل ماڈیول اپنایا ہے۔ جس سے مرحومین کی آخری رسومات کی ادائیگی میں تیزی پیدا ہوئی ہے
بے سہارا ہندوستانیوں کے لئے پیش کی جانے والی خدمات کی ستائش کرتے ہوئے، مملکت میں تلگو کمیونٹی کی ایک سرکردہ تنظیم ایس اے ٹی اے کے صدر ملیشم نے ہروب کی طرف سے مطلع شدہ ہندوستانی شہریوں کو باہر نکلنے کے عمل کو ہموار کرنے پر اظہار تشکر کیا جو ایک طویل عرصے سے ایک متنازعہ مسئلہ تھا۔
کمیونٹی کے ممتاز رکن اور کلیدی منتظمین میں سے ایک، زکریا بلادی نے اضافی حج چارجز کے واپس حاصل کرنے میں شاہد عالم کی کوششوں کو سراہا۔ جو 75 کروڑ روپے کی رقم ہے
انڈیا فورم کے صدر فیروز، آئی پی ڈبلیو ایف کے صدر ایوب حکیم، ایس آئی بی این کے عزیز رب، اردو اکیڈمی کے صدر حافظ عبدالسلام، او آئی سی سی کے حکیم پرکل، انڈین انٹرنیشنل اسکول جدہ کے سابق چیئرمین ڈاکٹر ضیا، نوودیا کے سی ایم عبدالرحمن، سعودی بزنس کے مرزا قدیر۔ اور ثقافتی فورم، خاک طیبہ ٹرسٹ کے شمیم کوثر، کے ٹی اے منیر، جدہ تامل سنگم کے سراج سمیت دیگر نے بھی اس موقع پر خطاب کیا۔اس تقریب میں بعض سعودی تاجروں نے بھی شرکت کی جنہیں قدرت نواز نے مدعو کیا تھا۔تمل ناڈو کی لڑکیوں کے ایک گروپ نے روایتی رقص پیش کیا اور عاصم ذیشان تقریب کے ماسٹر تھے۔
منتظمین کے مطابق، پورٹ سٹی میں ہندوستانی کمیونٹی کی طرف سے اس کی پہلی تقریب جہاں 45 سے زیادہ مختلف کمیونٹی تنظیموں نے وداعی عشائیہ کی میزبانی میں حصہ لیا
