کرکٹر محمد سراج کو سرکاری ملازمت اور مکان کے لئے زمین فراہم کرنے چیف منسٹر ریونت ریڈی کا اعلان

حیدرآباد _ 9 جولائی ( اردولیکس) چیف منسٹر ریونت ریڈی نے  فاسٹ بولر محمد سراج کو سرکاری ملازمت اور مکان کے لئے زمین فراہم کرنے کا اعلان کیا ہے۔ منگل کو محمد سراج نے چیف منسٹر ریونت ریڈی سے جوبلی ہلز میں واقع ان کی قیام گاہ میں ملاقات کی

۔ اس ملاقات کے دوران چیف منسٹر نے محمد سراج کو ان کی بہتر کارکردگی اور ورلڈ کپ میں کامیابی پر مبارکباد دی اور شال اوڑھاکر تہنیت بھی پیش کیا اور کہا کہ حیدرآباد کرکٹر محمد سراج بین الاقوامی کرکٹ میں اپنی بے انتہا صلاحیتوں کا بہترین مظاہرہ کررہے ہیں جس کی وجہ سے آج حیدرآباد کا نام روشن ہورہا ہے۔ چیف منسٹر نے عہدیداروں کو ہدایت دی کہ وہ محمدسراج کو حکومت کی طرف سے سرکاری ملازمت کے ساتھ ساتھ مکان کی اراضی مختص کریں۔

انہوں نے عہدیداروں کو مشورہ دیا کہ وہ حیدرآباد یا شہر کے اطراف کوئی اچھے مقام پر مکان کی اراضی کے لئے فوری نشاندہی کریں۔ اسی طرح سرکاری ملازمت فراہم کرنے کے لئے فوری اقدامات کی ہدایت دی