جرائم و حادثات
تلنگانہ کے سلطان آباد میں سڑک حادثہ گروکل کالج کے طالب علم ندیم الدین جاں بحق
تلنگانہ کے سلطان آباد میں سڑک حادثہ: گروکل کے طالب علم کی موت
تلنگانہ کے پداپلی ضلع کے سلطان آباد منڈل کے ڈبپلی گاؤں میں واقع تلنگانہ مائنارٹی گروکل کالج کے ایک طالب علم کا سڑک حادثے میں انتقال ہوگیا۔
تفصیلات کے مطابق، منچیریال ضلع کے کوٹاپلی منڈل کے انارم گاؤں سے تعلق رکھنے والے 17 سالہ خواجہ ندیم محمد سلطان آباد میں واقع مائنارٹی ریزیڈینشیل میں انٹر سال اول میں تعلیم حاصل کررہے تھے۔ پیر کی شام تقریباً 8 بجے وہ دو دوستوں کے ساتھ کالج کے سامنے موجود ہوٹل جانے کے لئے سڑک پر چل رہے تھے کہ پداپلی کی جانب سے کریم نگر جا رہی ایک تیز رفتار لارِی نے ندیم الدین کو ٹکر مار دی
حادثہ کے نتیجے میں وہ موقع پر ہی جاں بحق ہوگئے۔ طالب علم کی والدہ سمیہ شیرین کی شکایت پر ایس آئی شراون کمار نے کیس درج کرکے تفتیش شروع کردی ہے۔
