نظام آباد میں بچوں کے علاج والے سرکاری و خانگی اسپتالوں میں حفاظتی اقدامات کا کمشنر پولیس سائی چیتنیہ نے لیا جائزہ

ضلع نظام آباد میں بچوں کو طبی خدمات فراہم کرنے والے سرکاری اور پرائیویٹ اسپتالوں میں حفاظتی معیارات پر

پولیس کمشنر نظام آباد، ڈی ایم اینڈ ایچ او کا سرکاری اور خانگی ہاسپٹلوں کے نمائندوں کے ہمراہ جائزہ اجلاس

نظام آباد:24/ ستمبر (اردو لیکس)RIMS ہاسپٹل ضلع عادل آباد میں پیش آئے بچوں کی اموات واقعہ کے پیش نظر ضلع نظام آباد میں بچوں کو طبی خدمات فراہم کرنے والے سرکاری اور پرائیویٹ اسپتالوں میں حفاظتی معیارات کا جائزہ لینے کے لیے کمانڈ کنٹرول ہال میں ایک خصوصی اجلاس کا انعقاد عمل میں لایا گیا۔اس اجلاس کا انعقاد نظام آباد پولیس کمشنر پی سائی چیتنیااور ڈسٹرکٹ میڈیکل اینڈ ہیلتھ آفیسر (ڈی ایم اینڈ ایچ او) کی نگرانی میں کیا گیا۔ اجلاس میں سرکاری و خانگی ہسپتالوں کے منظمین ڈاکٹرز اور متعلقہ حکام نے شرکت کی۔اس موقع پر ہسپتالوں میں بچوں کی حفاظت، ہنگامی حالات میں اٹھائے جانے والے اقدامات اور آتشزدگی کے حادثات سے بچنے کے لیے کئے جانے والے احتیاطی تدابیر وغیرہ پر تفصیلی تبادلہ خیال کیا گیا۔خاص طور پر فائر سیفٹی سے متعلق امور پر ایک جامع جائزہ لیا گیا۔ ہسپتالوں میں آگ بجھانے والے آلات کی دستیابی ان کے کام کاج، ہنگامی طور پر باہر نکلنے کے راستوں، فائر الارم سسٹم، برقی حفاظت، فائر سیفٹی کے بارے میں عملے کی آگاہی اور ایمرجنسی کے دوران مریضوں کو محفوظ طریقے سے نکالنے کے طریقہ کار کا جائزہ لیا گیا۔عہدیداروں نے مشورہ دیا کہ اسپتال انتظامیہ کو احتیاطی حفاظتی اقدامات پر عمل کرنا چاہیے تاکہ ان علاقوں میں کسی بھی ناخوشگوار واقعے کو روکا جا سکے جہاں بچے زیر علاج ہیں۔ انہوں نے تجویز دی کہ پولیس، فائر سروسز اور طبی عملے کے ساتھ مل کر ہنگامی حالات میں تیز رفتار ردعمل کو یقینی بنانے کے لیے ضروری انتظامات اور فرضی مشقیں کی جائیں۔اجلاس میں تجویز دی گئی کہ متعلقہ حکام ہسپتالوں میں حفاظتی معیارات پر عمل درآمد کی وقتاً فوقتاً بغیر کسی غفلت کے مانیٹرنگ کریں اور اگر کوئی کوتاہی پائی جائے تو فوری طور پر اصلاحی اقدامات کئے جائیں۔پولیس کمشنر نے تجویز دی کہ سرکاری اور پرائیویٹ ہسپتالوں کی انتظامیہ کو پولیس، طبی اور محکمہ صحت اور فائر سروسز کے اہلکاروں کے ساتھ مل کر کام کرنا چاہیے جس کا بنیادی مقصد بچوں، ان کے والدین اور ہسپتال آنے والے عوام کو محفوظ ماحول فراہم کرنا ہے۔ اس اجلاس میں ایڈیشنل ڈی سی پی ایڈمن این شوبھم پرکاش، ڈی ایم اور ایچ او بی راجشری، ڈسٹرکٹ فائر آفیسر ٹی پرمیشور، این ایس سی صدر ڈاکٹر کویتا ریڈی، ڈی سی ایچ ایس ڈاکٹر سرینواسا پرساد، آئی ایم اے صدر ڈاکٹر وشال، الیکٹرسٹی ایس ای پی وی راجیشور راؤ، نظام آباد، آرمور، بودھن، ٹریفک، سی سی آر بی، اے سی پیز پرکاش، وینکٹیشور ریڈی، سر ینواس، مستان علی، گرو نائیڈو، اسپیشل برانچ کے انسپکٹرز سریدھر ریڈی، ملیشام اور ضلع کے بچوں کے ڈاکٹروں نے شرکت کی۔