جنرل نیوز

مکتھل میں 25 کروڑ روپے سے جدید اسٹیڈیم کی تعمیر کا منصوبہ

مکتھل میں 25 کروڑ روپے سے جدید اسٹیڈیم کی تعمیر کا منصوبہ

کھیلوں کے فروغ کے لیے وزیر واکٹی سری ہری کی خصوصی دلچسپی، ضلع کلکٹر کے ہمراہ مقام کا معائنہ

 

نارائن پیٹ: 16 نومبر (اردو لیکس) مکتھل شہر کو کھیلوں کے میدان میں ریاستی سطح پر نمایاں شناخت دلانے کے مقصد سے ریاستی حکومت نے ایک اہم قدم اٹھایا ہے۔ شہر میں 25 کروڑ روپے کی لاگت سے تمام جدید سہولیات سے آراستہ اسٹیڈیم تعمیر کیا جائے گا۔ اس سلسلے میں ریاستی وزیر برائے کھیل واکٹی سری ہری نے پیر کے روز ضلع کلکٹر پریانکا کے ہمراہ مکتھل گراؤنڈ کا دورہ کیا

 

اور مجوزہ اسٹیڈیم کی تعمیر کے لیے اراضی کا معائنہ کیا۔ اس موقع پر وزیر نے کہا کہ مجوزہ اسٹیڈیم کو مختلف کھیلوں کے لیے موزوں بنانے کے ساتھ ساتھ جدید ترین سہولیات اور بین الاقوامی معیار کے مطابق تعمیر کرنے کا منصوبہ تیار کیا گیا ہے۔ انہوں نے اسٹیڈیم کی تعمیر میں حائل سرکاری ڈگری کالج اور انڈور اسٹیڈیم کی موجودہ عمارتوں کی منتقلی اور انہدام کے سلسلے میں ضلع کلکٹر کو ضروری ہدایات دیں

 

۔ وزیر واکٹی سری ہری نے سابقہ حکومت کے دور میں مناسب منصوبہ بندی کے بغیر ڈگری کالج اور انڈور اسٹیڈیم کی عمارتیں تعمیر کیے جانے پر ناراضگی کا اظہار کیا۔ انہوں نے کہا کہ طلبہ کی تعلیم متاثر نہ ہو، اس مقصد کے تحت ایریگیشن آفس کے قریب تمام بنیادی سہولیات سے مزین سرکاری ڈگری کالج کی نئی عمارت تعمیر کی جا رہی ہے۔

 

انہوں نے کلکٹر کو ہدایت دی کہ موجودہ گراؤنڈ میں واقع ڈگری کالج اور انڈور اسٹیڈیم کی عمارتوں کو ہٹانے کے لیے ضروری اقدامات کرتے ہوئے مجوزہ اسٹیڈیم کی تعمیر کا کام جلد از جلد شروع کیا جائے۔ بعد ازاں وزیر واکٹی سری ہری اور ضلع کلکٹر پریانکا نے مشترکہ طور پر کھیلو انڈیا کے تشہیری بروشرز کی رسمِ اجراء انجام دی۔

متعلقہ خبریں

Back to top button