چیف الیکشن کمشنر کو گرفتار کیا جائے۔ اپوزیشن کا مطالبہ

نئی دہلی: قومی میڈیا میں شائع ہونے والی ان رپورٹس پر اپوزیشن جماعتوں نے تنقید کی ہے جن میں دعویٰ کیا گیا ہے کہ الیکشن کمیشن میں فیصلے یکطرفہ طور پر کیے جا رہے ہیں۔

 

اپوزیشن رہنماؤں نے چیف الیکشن کمشنر گیانیش کمار کو گرفتار کرنے کا مطالبہ کیا اور الزام عائد کیا کہ وزیرِ اعظم نریندر مودی اور وزیرِ داخلہ امیت شاہ الیکشن کمیشن کو استعمال کرتے ہوئے مبینہ طور پر ووٹوں میں دھاندلی کروا کر انتخابات جیت رہے ہیں۔

 

بعض رہنماؤں نے بی جے پی، آر ایس ایس اور الیکشن کمیشن کے درمیان ملی بھگت کا بھی الزام عائد کیا۔راہل گاندھی ’’ووٹوں کی چوری آئین پر براہِ راست حملہ ہے۔ ملک بھر میں جاری اس عمل کے مرکزی کردار گیانیش کمار ہیں۔ عوام کو سمجھ آ گیا ہے کہ مودی سمیت کئی بڑے قائدین پسِ پردہ رہ کر اس پورے معاملے کو چلا رہے ہیں۔

 

بی جے پی، آر ایس ایس اور الیکشن کمیشن نے ملک سے غداری کی ہے۔ انہیں سزا ملنے کا دن قریب ہے۔‘‘اروند کیجریوال نے کہا ’’میڈیا رپورٹس سے ظاہر ہوتا ہے کہ گیانیش کمار نے انتخابی عمل کو کمزور کیا ہے اور اسی کے ذریعے مودی انتخابات جیتتے آ رہے ہیں۔

 

ہم مطالبہ کرتے ہیں کہ ان مبینہ کارروائیوں کے لیے گیانیش کمار کو گرفتار کیا جائے اور مناسب کارروائی کی جائے۔ ان کی قیادت میں ہونے والے دہلی، مہاراشٹرا، بہار، مغربی بنگال، ہریانہ، مدھیہ پردیش

 

اور چھتیس گڑھ کے انتخابات منسوخ کرکے دوبارہ کرائے جائیں۔‘‘