رمضان میں مسلم ملازمین کو جلد گھر جانے کی اجازت ۔ تلنگانہ حکومت کا جی او جاری

تلنگانہ حکومت کا مسلم ملازمین کے لیے رمضان میں خصوصی رعایت کا اعلان

 

حیدرآباد ۔تلنگانہ حکومت نے تمام مسلم سرکاری ملازمین کو رمضان المبارک کے مقدس مہینے کے دوران 2 مارچ سے 31 مارچ تک شام 4 بجے دفاتر سے جلدی جانے کی اجازت دے دی ہے۔

 

حکومت نے اس سلسلے میں ایک جی او (گورنمنٹ آرڈر) جاری کیا ہے جس میں کہا گیا ہے کہ ریاست تلنگانہ میں کام کرنے والے تمام مسلم سرکاری ملازمین، اساتذہ، کنٹریکٹ اور آؤٹ سورسنگ ملازمین، کارپوریشنز اور پبلک سیکٹر کے ورکرس کو یہ سہولت فراہم کی جائے گی۔

 

یہ رعایت مسلمان ملازمین کی سہولت کے پیش نظر دی گئی ہے تاکہ وہ روزہ افطار اور نماز تراویح کی ادائیگی میں آسانی محسوس کریں۔ رمضان میں دن کے وقت روزے کی حالت میں کام کرنے کی مشقت کو مدنظر رکھتے ہوئے حکومت نے کام کے اوقات میں نرمی کرنے کا فیصلہ کیا ہے۔

 

اس سے پہلے بھی تلنگانہ حکومت رمضان کے دوران مسلم سرکاری ملازمین کو جلدی دفتر چھوڑنے کی اجازت دیتی رہی ہے اور یہ روایت برقرار ہے۔