صدر جمہوریہ ہند دروپدی مرمو کی جانب سے محمد بن سلمان بن عبدالعزیز آل سعود کے لئے راشٹرپتی بھون میں ضیافت کا اہتمام
نئی دہلی _ صدر جمہوریہ ہند دروپدی مرمو نے سعودی عرب کے ولیعہد عہد شہزادہ محمد بن سلمان بن عبدالعزیز آل سعود کے لیے راشٹرپتی بھون میں ایک ضیافت کا اہتمام کیا۔
اس موقع پر خطاب کرتے ہوئے صدر جمہوریہ نے کہا کہ سعودی عرب ہندوستان کے اہم ترین اسٹریٹجک شراکت داروں میں سے ایک ہے۔ صدر مرمو نے اس بات پر خوشی کا اظہار کیا کہ ہندوستان اور سعودی عرب کے درمیان دو طرفہ تعلقات پچھلے کچھ سالوں میں کافی مضبوط ہوئے ہیں۔ انہوں نے کہا کہ جدید دنیا میں، ہندوستان-سعودی عرب کے مشترکہ ثقافتی تجربات، اقتصادی ہم آہنگی اور ایک پرامن اور پائیدار دنیا کے لیے مشترکہ عزم ہمیں فطری شراکت دار بناتے ہیں۔
صدر جمہوریہ نے کہا کہ ہندوستان-سعودی عرب شراکت داری کے اقتصادی جزو میں بھی حالیہ برسوں میں اضافہ ہوا ہے۔ انہوں نے مزید کہا کہ ہندوستان میں کئی مختلف شعبوں میں سعودی سرمایہ کاری کو بڑھانے کے کافی مواقع ہیں۔ صدر جمہوریہ نے کہا کہ سعودی عرب نے بڑی تعداد میں ہندوستانی تارکین وطن کو اپنا لیا ہے، اور انہیں پھلنے پھولنے اور بڑھنے کے لیے جگہ دی ہے۔
صدر مملکت نے امن و استحکام کے لیے سعودی عرب کے کردار کو ایک مثبت قوت کے طور پر سراہا۔ انہوں نے یقین ظاہر کیا کہ ولی عہد کا یہ دورہ اور G20 چوٹی کانفرنس میں ان کی شرکت سے ہندوستان اور سعودی عرب کے درمیان کثیر جہتی شراکت داری کو مزید تقویت ملے گی۔
اس موقع پر نائب صدر جگدیپ دھنکھڑ، وزیر اعظم نریندر مودی اور دیگر معززین بھی موجود تھے۔
LIVE: Ceremonial Reception of Mohammed bin Salman bin Abdulaziz Al Saud, Crown Prince and Prime Minister of Saudi Arabia at Rashtrapati Bhavan https://t.co/JtDwroB6Fw
— President of India (@rashtrapatibhvn) September 11, 2023
