یشودا ہاسپٹلس میں جدید طبی سہولیات… یورولوجسٹ ڈاکٹر گوپی چند کی وضاحت

َیشودا ہاسپٹلس میں جدید طبی سہولیات… یورولوجسٹ ڈاکٹر گوپی چند کی وضاحت

کاماریڈی، 23 اپریل (سید کوثرعلی )یشودا ہاسپٹلس میں مریضوں کو عالمی معیار کی جدید طبی سہولیات فراہم کی جا رہی ہیں۔ یورولوجسٹ ڈاکٹر گوپی چند نے میڈیا سے بات کرتے ہوئے بتایا کہ گردوں اور پیشاب کی نالی سے متعلق بیماریوں کے علاج میں جدید ٹیکنالوجی کا استعمال کیا جا رہا ہے۔

انہوں نے کہا کہ صرف پانچ ملی میٹر کے چھوٹے چیروں کے ذریعے پیچیدہ سرجریاں کامیابی سے انجام دی جا رہی ہیں، جس سے مریضوں کو کم تکلیف اور جلد صحت یابی ممکن ہو رہی ہے۔ جدید لیزر اور روبوٹک طریقوں کے ذریعے پتھری، پروسٹیٹ اور دیگر یورولوجیکل مسائل کا مؤثر علاج کیا جا رہا ہے۔

ڈاکٹر گوپی چند نے مزید بتایا کہ جدید سہولیات کی بدولت مریضوں کو کم وقت میں بہتر نتائج مل رہے ہیں اور انہیں زیادہ دن اسپتال میں قیام کی ضرورت نہیں پڑتی۔ انہوں نے عوام سے اپیل کی کہ کسی بھی قسم کی علامات ظاہر ہونے پر فوری طور پر ماہر ڈاکٹروں سے رجوع کریں تاکہ بروقت علاج ممکن ہو سکے