سونے اور چاندی کی قیمتوں میں پھر اضافہ

حیدرآباد: سونے اور چاندی کی بڑھتی ہوئی قیمتوں نے خریداروں پر مزید مالی بوجھ ڈال دیا ہے۔ مسلسل دوسرے روز بھی سونے کی قیمت میں اضافہ ہوا جبکہ چاندی کی قیمت بھی سونے کے ساتھ مقابلہ کرتے ہوئے تیزی سے بڑھی۔

 

منگل کی صبح حیدرآباد بلین مارکیٹ میں 24 کیرٹ سونا 10 گرام کی قیمت 760 روپے بڑھ کر 1,44,220 روپے ہو گئی۔ 22 کیرٹ سونا 10 گرام کی قیمت 700 روپے اضافے کے بعد 1,32,200 روپے تک پہنچ گئی۔

 

سونے کی طرح چاندی کی قیمت میں بھی نمایاں اضافہ ہوا۔ فی کلو چاندی کی قیمت میں 5,000 روپے کا اضافہ ہوا جس کے بعد اس کی موجودہ قیمت 2,40,000 روپے فی کلو ہو گئی۔ان قیمتوں کے علاوہ جی ایس ٹی اور میکنگ چارجز الگ سے ادا کرنے ہوں گے۔

 

اسی طرح تلگو ریاستوں کے مختلف علاقوں کے لحاظ سے قیمتوں میں معمولی فرق بھی ہو سکتا ہے۔ماہرین کے مطابق سونے میں بڑھتی ہوئی سرمایہ کاری کے باعث اس کی مانگ میں اضافہ ہو رہا ہے جس کے نتیجے میں اس کی قیمتیں بھی مسلسل بڑھ رہی ہیں