آندھرا پردیش میں ایس آئی آرکے تحت ابتدائی ووٹر فہرست جاری

حیدرآباد: آندھرا پردیش میں ایس آئی آرکے تحت ابتدائی ووٹر فہرست جاری کر دی گئی ہے۔ الیکشن کمیشن نے بتایا کہ ریاست بھر میں 3.71 کروڑ ووٹروں کی نشاندہی کا عمل مکمل ہو چکا ہے

جو ریاست کے جملہ ووٹروں کا 89.22 فیصد بنتا ہے۔ووٹر فہرست کی جانچ کے دوران حکام نے پایا کہ 7.37 لاکھ ووٹروں کے نام ایک سے زیادہ مقامات پر درج ہیں۔الیکشن کمیشن کے مطابق 15.22 لاکھ ووٹر انتقال کر چکے ہیں

جبکہ 22.30 لاکھ ووٹر دوسری جگہ منتقل ہو چکے ہیں یا دستیاب نہیں تھے۔البتہ ریاست بھر میں ابھی بھی 44,89,512 ووٹروں سے مردم شماری کے فارم حاصل کیے جانے باقی ہیں، اور فی الحال ان سے فارم موصول نہیں ہوئے ہیں۔

الیکشن کمیشن نے کہا کہ اس عمل کا مقصد ووٹر فہرست کو غلطیوں سے پاک بنانا اور ہر اہل شہری کو حقِ رائے دہی یقینی بنانا ہے۔ اس مقصد کے تحت بوتھ لیول افسران

نے گھر گھر جا کر وہاں رہنے والے ووٹروں کی تفصیلات کی زمینی سطح پر تصدیق کی۔