تلنگانہ کے ظہیرآباد کی جیولری شاپ میں برقعہ پہن کر خواتین کی مبینہ چوری، 70 گرام سونے کا ہار لے اڑیں

تلنگانہ کے سنگاریڈی ضلع کے ظہیرآباد ٹاؤن میں اتوار کو برقعہ پہن کر  چار خواتین نے مبینہ طور پر ایک جیولری شاپ سے تقریباً 70 گرام وزنی سونے کا ہار چوری کرلیا۔

اطلاعات کے مطابق،  برقعہ پہن کر چار خواتین اور ایک شخص گاہک بن کر جئے بھوانی جیولری شاپ پہنچے۔ انہوں نے دکاندار سے ناک کی کیلیں دکھانے کو کہا۔ عملہ انہیں زیورات دکھانے میں مصروف تھا کہ خواتین نے مبینہ طور پر توجہ ہٹاتے ہوئے سونے کا ہار چوری کرلیا اور وہاں سے چلے گئے۔

بعد میں دکاندار نے ہار غائب پایا۔ سی سی ٹی وی فوٹیج چیک کرنے پر چوری کا واقعہ سامنے آیا۔ دکاندار کی شکایت پر پولیس نے کیس درج کرتے ہوئے سی سی ٹی وی فوٹیج کی جانچ شروع کردی ہے اور ملزمین کی شناخت کی کوشش کی جارہی ہے۔