حیدراباد کے عطاپور میں نوجوان پر قاتلانہ حملہ ، زخمی کی حالت تشویشناک
حیدراباد : حیدرآباد کے عطاپور پولیس اسٹیشن کی حدود میں واقع چنتھل میٹ، سلیمان نگر میں ایک نوجوان پر مبینہ طور پر قاتلانہ حملہ کیے جانے کا سنسنی خیز واقعہ پیش آیا۔ اطلاعات کے مطابق روڈی شیٹر افو نے سید پاشو نامی نوجوان کو رقم واپس کرنے کے بہانے اپنے گھر بلایا، جہاں اس پر مہلک ہتھیار سے حملہ کر دیا گیا، جس کے نتیجے میں وہ شدید زخمی ہوگیا۔
زخمی نوجوان کو فوری طور پر منتقل کیا گیا، جہاں وہ انتہائی نگہداشت کے وارڈ میں زیر علاج ہے۔ ڈاکٹروں کے مطابق اس کی حالت تشویشناک ہے اور وہ زندگی و موت کی کشمکش میں مبتلا ہے۔
واقعے کے بعد زخمی نوجوان کی بہنوں نے الزام عائد کیا کہ حملے کی بنیادی وجہ رقمی لین دین کا تنازع ہے۔ ان کا کہنا ہے کہ ملزم نے رقم واپس کرنے کا بہانہ بنا کر سید پاشو کو اپنے گھر طلب کیا اور پہلے سے منصوبہ بندی کے تحت اس پر جان لیوا حملہ کیا۔ اہل خانہ نے ملزم کے خلاف سخت کارروائی کا مطالبہ کرتے ہوئے انصاف کی اپیل کی ہے۔
ادھر عطاپور پولیس نے واقعے کے سلسلے میں قتل کی کوشش کا مقدمہ درج کر لیا ہے اور مختلف پہلوؤں سے تحقیقات جاری ہیں۔ پولیس کا کہنا ہے کہ معاملے کی مکمل چھان بین کے بعد حقائق کی بنیاد پر مزید قانونی کارروائی کی جائے گی۔
