ممبئی میں چیف الیکشن کمشنر گیانیش کمار کے استعفی کے مطالبہ پر کاکروچ جنتا پارٹی کا ’’جیل بھرو‘‘ احتجاج

ممبئی میں چیف الیکشن کمشنر گیانیش کمار کے استعفے کے مطالبے پر ’’جیل بھرو‘‘ احتجاج

 

ممبئی: چیف الیکشن کمشنر گیانیش کمار کے استعفے کے مطالبے پر کاکروچ جنتا پارٹی (CJP) نے ممبئی کے شیواجی پارک میں احتجاج کیا۔ پولیس کی جانب سے اجازت نہ دیے جانے کے باوجود بڑی تعداد میں نوجوان احتجاج میں پہنچے۔

 

مظاہرین نے ’’گیانیش برو، جسٹ ریزائن‘‘ جیسے نعروں والے پلے کارڈز اٹھا رکھے تھے۔ دادر ریلوے اسٹیشن اور وسطی ممبئی کے مختلف علاقوں میں پولیس اور سکیورٹی اہلکار تعینات کیے گئے تھے۔

 

احتجاج میں اداکار نصیرالدین شاہ، شبانہ اعظمی اور گلوکار وشال دادلانی سمیت دیگر شخصیات نے شرکت یا اظہارِ یکجہتی کیا۔

 

CJP کے بانی ابھجیت ڈپکے نے کہا کہ انتخابی فہرستوں کی خصوصی جامع نظرثانی (SIR) سے متعلق مبینہ بے ضابطگیوں کے خلاف یہ تحریک جاری رہے گی۔ پارٹی نے چیف الیکشن کمشنر کے استعفے کے علاوہ انتخابی فہرستوں کے عمل میں شفافیت کا بھی مطالبہ کیا ہے۔

 

دوسری جانب پولیس نے کہا کہ وہ امن و امان کی صورتحال پر مسلسل نظر رکھے ہوئے ہے اور ٹریفک کی روانی متاثر نہ ہو، اس کے لیے ضروری اقدامات کیے جا رہے ہیں۔